Month: May 2012

എസ്.എഫ്.ഐ ജില്ലാ സമ്മേളനം ഡിഫി സംസ്ഥാന പ്രസിഡന്റ് എം.സ്വരാജ് സമ്മേളനം ഉദ്ഘാടനം ചെയ്തു.ഏപ്രില്‍ 24 മുതല്‍ 26 വരെയായിരുന്നു പട്ടിക്കാട് നടന്ന സമ്മേളനം. ജില്ലാ പ്രസിഡന്റ് കെ. ബി. സനീഷ് പതാക ഉയര്‍ത്തി. പി.എസ്. വിനയന്‍, എന്‍.വി. വൈശാഖ്, പി.എസ്. വിനയന്‍, എന്‍.വി. വൈശാഖ്, എന്‍.എം. ഗിരിലാല്‍ തുടങ്ങിയവര്‍ സംസാരിച്ചു.

പാണഞ്ചേരി പഞ്ചായത്തിലെ പട്ടിക്കാട് പീച്ചി സര്‍ക്കാര്‍ ഹൈസ്ക്കൂളുകളില്‍ എസ്.എസ്.എല്‍.എസിയ്ക്ക് 97 ശതമാനം വിജയം. പീച്ചി ഹൈസ്ക്കൂളിലെ അപര്‍ണ്ണ രാജേന്ദ്രന്‍ എല്ലാ വിഷയത്തിലും എപ്ലസ് കരസ്ഥമാക്കി പഞ്ചായത്തില്‍ ഒന്നാം സ്ഥാനക്കാരിയായി.

കണ്ണാറ സെന്റ് മേരീസ് യാക്കോബായ സുറിയാനി പള്ളിയില്‍ പരിശുദ്ധ മോര്‍ വര്‍ഗ്ഗീസ് സഹദായുടെ ഓര്‍മ്മ പെരുന്നാള്‍ മെയ് മൂന്നു മുതല്‍ ആറു വരെ ആഘോഷിക്കും. ശ്രേഷ്ഠ കത്തോലിക്ക ആമ്പുന്‍ മോര്‍ ബസേലിയാസ തോമസ് പ്രഥമന്‍ ബാവ, ഇടവക മെത്രാ പൊലീത്ത ആബുന്‍മോര്‍ ആൗസേബിയാസ് കുര്യാക്കോസ് തിരുമമേനി, കോഴിക്കോട് ഭദ്രാസനാധിപന്‍ പൗലോസ് മോര്‍ ഐറേനിയോസ് മെത്രാപൊലീത്ത എന്നിവരുടെ കാര്‍മ്മികത്വത്തിലാണ് ആഘോഷ ചടങ്ങുകളെന്ന് കെ.പി. വര്‍ഗ്ഗീസ് (ട്രസ്റ്റി) കെ.പി. മനോജ് കദളിപറമ്പില്‍ (സെക്രട്ടറി) ഫാദര്‍. വി.പി. എല്‍ദോ എന്നിവര്‍ അറിയിച്ചു.

8 മുതല്‍ 16 വയസ്സുവരെയുള്ള കുട്ടികള്‍ക്ക് ഉത്തമബാലകം എന്ന സൗജന്യ അവധിക്കാല പരിശീലന കളരി നടന്നു. പട്ടിക്കാട് രായിരത്ത് ഹെറിറ്റേജില്‍ നടന്ന കോഴ്‌സ് അന്തര്‍ദേശീയ കൃഷ്ണാവബോധ സംഘടനയാണ് സംഘടിപ്പിച്ചത്. മൃദംഗം, ജപം, ധ്യാനം, യോഗ, ഗീതാപഠനം, പ്രസംഗപാടവം, തുടങ്ങിയവയാണ് പരിശീലനം നല്‍കിയത്. മൂന്നു ദിന പരിശീലന കോഴ്‌സിന് ബലറാം കൃഷ്ണദാസ് നേതൃത്വം നല്‍കി.