Month: June 2012

കൊമ്പഴ സെന്റ് മേരീസ് സ്കൂളിലെ വിദ്യാര്‍ത്ഥികള്‍ക്കും അദ്ധ്യാപകര്‍ക്കും സ്വകാര്യ   ബസുകള്‍ നിറുത്തികൊടുക്കന്നില്ലെന്ന് പരാതി. 500 ലധികം വിദ്യാര്‍ത്ഥികളാണ് ഈ സ്കൂളില്‍ പഠിക്കുന്നത്. പാലക്കാട് തൃശ്ശൂര്‍ റൂട്ടില്‍ സര്‍വ്വീസ് നടത്തുന്ന എല്ലാ ബസുകള്‍ക്കും കൊമ്പഴയില്‍ സ്‌റ്റോപ്പ് അനുവദിച്ചിട്ടുള്ളതാണ്. എന്നിട്ടും ബസുകള്‍ നിറുത്തുന്നില്ല. ബസ് ജീവനക്കാര്‍ അപമര്യാദയായി പെരുമാറുന്നുവെന്നും ഇവര്‍ പറയുന്നു. മൂന്നരമണിക്കാണ് ക്ലാസ് അവസാനിക്കുന്നത്. പക്ഷേ സ്‌റ്റോപ്പില്‍ മണിക്കൂറുകളോളം കാത്തുനിന്നാലും ബസുകള്‍ നിറുത്തികൊടുക്കുന്നില്ല. ബസ് ജീവനക്കാരുടെ ഈ അവഗണനക്കെതിരെ ബന്ധപ്പെട്ടവര്‍ക്ക് പരാതി നല്‍കുവാനുള്ള തയ്യാറെടുപ്പിലാണ് സ്കൂള്‍ അധികൃതര്‍.

കെ.കെ.ശ്രീനിവാസന്‍ പിതാവ് ടി.എം ജേക്കബ്ബിന്റെ ചിത്രം അച്ചടിച്ച് ഭരണനേട്ട പരസ്യം നല്‍കാന്‍ ഭക്ഷ്യവകുപ്പും മന്ത്രിപ്പണി യും സ്വന്തം കുടുംബസ്വത്തല്ലെന്ന് അനൂപ് മന്ത്രി മനസ്സിലാക്കണം. ടി.എം.ജേക്കബ്ബ് രാഷ്ട്ര പിതാവൊ ന്നുമല്ലല്ലോ? അനൂപിന്റെ പിതാവ് മാത്രം. 2012 ജൂണ്‍ 15 ന് മാധ്യമങ്ങളില്‍ ജേക്കബ്ബിന്റെ ചിത്രം അച്ചടി ച്ച് വന്ന ഭക്ഷ്യവകുപ്പിന്റെ പരസ്യചെലവ് അനൂപ് ജേക്കബ്ബില്‍ നിന്ന് സര്‍ക്കാര്‍ വസൂലാക്കണം. യുഡിഎഫ് സര്‍ക്കാരിന്റെ ഒന്നാം വാര്‍ഷികത്തോടനുബന്ധിച്ച് സര്‍ക്കാര്‍ ഭരണനേട്ടങ്ങള്‍ വിളമ്പിയുള്ള പരസ്യങ്ങളാല്‍ സമൃദ്ധമാണ് ദൃശ്യ-അച്ചടി മാധ്യമങ്ങള്‍. പൊതു ഖജനാവിനെ സ്വന്തം…

കെ.എസ്.യു പീച്ചി യൂണിറ്റ് ജില്ലാ പ്രസിഡന്റ് ശോഭാ സുബിന്‍ ഉദ്ഘാടനം ചെയ്തു. പീച്ചി മേഖലാ പ്രസിഡന്റ് ഷീജ കുര്യന്‍, അദ്ധ്യക്ഷ വഹിച്ച ചടങ്ങില്‍ യൂത്ത് കോണ്‍ഗ്രസ് സംസ്ഥാന സമിതിയംഗം കെ.സി. അഭിലാഷ്, യൂത്ത് കോണ്‍ഗ്രസ് ഒല്ലൂര്‍ മണ്ഡലം പ്രസിഡന്റ് കെ.പി. എല്‍ദോസ്, യൂത്ത് കോണ്‍ഗ്രസ് മണ്ഡലം പ്രസിഡന്റ് വി.ആര്‍. രാജേഷ് തുടങ്ങിയവര്‍ പങ്കെടുത്തു.

പരിസ്ഥിതി ദിനാചരണത്തിന്റെ ഭാഗമായി ഭൂമിക്ക്  കുട എന്ന പദ്ധതിലുള്‍ പ്പെടുത്തി മുടിക്കോട് എല്‍.പി. സ്കൂളിലെ വിദ്യാര്‍ത്ഥികള്‍ക്ക് വൃക്ഷതൈകള്‍ വിതരണം ചെയ്തു. യൂത്ത് കോണ്‍ഗ്രസിന്റെ നേതൃത്വത്തില്‍ നടന്ന പരിപാടി യൂത്ത് കോണ്‍ഗ്രസ് സംസ്ഥാന കമ്മിറ്റിയംഗം കെ.സി. അഭിലാഷ് ഉദ്ഘാടനം ചെയ്തു.യൂത്ത് കോണ്‍ഗ്രസ് മുടിക്കോട് മേഖലാപസിഡന്റ് എ.എസ്.ഷെജീര്‍ അദ്ധ്യ ക്ഷത വഹിച്ച യോഗത്തില്‍ സ്കൂള്‍ ഹെഡ്മിസ്ട്രസ് ഷീജ ബോധവത്ക്കരണ ക്ലാസ് നയിച്ചു. യൂത്ത് കോണ്‍ഗ്രസ് നേതാക്കളായ പി.കെ. അനില്‍കുമാര്‍, കെ.ബി. സന്തോഷ്, നൗഷാദ്, ഷൈബി തുടങ്ങിയവര്‍ പങ്കെടുത്തു.

ലോക പുകയില വിരുദ്ധദിനമാചരിച്ചു. വാണിയമ്പാറ സെന്ററില്‍ നടന്ന റാലിയും പുകയില വിരുദ്ധ ബോധവത്ക്കരണ പരിപാടിയും ആരോഗ്യ ഗ്രാമപഞ്ചായത്ത് സ്റ്റാന്റിംഗ് കമ്മിറ്റി ചെയര്‍മാന്‍ കെ.പി. ചാക്കോച്ചന്‍ ഉദ്ഘാടനം ചെയ്തു. പുകയില വിമുക്ത ലോകം എന്ന വിഷയത്തില്‍ ഹെല്‍ത്ത് ഇന്‍സ്‌പെക്ടര്‍ സ്റ്റാനി ചാക്കോ ക്ലാസെടുത്തു. വാര്‍ഡ് അംഗങ്ങളായ ഷീജ ബിനു, സാവിത്രി സദാനന്ദന്‍, ഷീല അലക്‌സ് തുടങ്ങിയവര്‍ പങ്കെടുത്തു.

പച്ചക്കറികളുടെ വില നിയന്ത്രണത്തിന്റെ ഭാഗമായി കണ്‍സ്യൂമര്‍ ഫെഡ് പട്ടിക്കാട് ത്രിവേണി സൂപ്പര്‍ മാര്‍ക്കറ്റില്‍ പച്ചക്കറി സ്റ്റാള്‍ എം.എല്‍.എ എം.പി. വിന്‍സെന്റ ഉദ്ഘാടനം ചെയ്തു. ഒല്ലൂക്കര ബ്ലോക്ക് പഞ്ചായത്ത് പ്രസിഡന്റ് ടി.പി. ജോര്‍ജ്, പഞ്ചായത്ത് പ്രസിഡന്റ് കെ.വി.ജോസ്, ബ്ലോക്ക് പഞ്ചായത്തംഗം സുശീല ടീച്ചര്‍, വാര്‍ഡംഗം ആനി ജോര്‍ജ് തുടങ്ങിയവര്‍ പങ്കെടുത്തു.

പുഴ തീരസംരക്ഷണത്തിനായി രാമച്ചം പദ്ധതിക്ക് കണ്ണാറ വനഗവേഷണ ഇന്‍സ്റ്റിറ്റിയൂട്ടില്‍ തുടക്കം കുറിച്ചു. കണ്ണാറ വനഗവേഷണ ഇന്‍സ്റ്റിറ്റിയൂട്ട് ഡയറക്ടര്‍ കെ.വി. ശങ്കരന്‍ അദ്ധ്യക്ഷത വഹിച്ച ചടങ്ങില്‍ പാണഞ്ചേരി ഗ്രാമപഞ്ചായത്ത് പ്രസിഡന്റ് കെ.വി. ജോസ് പദ്ധതി ഉദ്ഘാടനം ചെയ്തു. രാമച്ചത്തെ സംബന്ധിച്ച പൂര്‍ണ്ണ വിവരങ്ങള്‍ ഉള്‍കൊള്ളിച്ചുള്ള കൈപുസ്തകം പഞ്ചായത്ത് വൈസ് പ്രസിഡന്റ് ശകുന്തള ഉണ്ണികൃഷ്ണന്‍ പ്രകാശനം ചെയ്തു. രാമച്ചം, ജലം, തീരസംരക്ഷണം എന്നിവയിലൂന്നി ഡോ.എസ്. ശങ്കര്‍ ക്ലാസെടുത്തു. രാമച്ച പദ്ധതിക്ക് പഞ്ചായത്ത് പൂര്‍ണ്ണ സഹകരണം നല്‍കുമെന്ന് കെ.വി.ജോസും ശകുന്തള ഉണ്ണികൃഷ്ണനും…

കണ്ണാറ ഇ.എം.എസ് സാംസ്ക്കാരിക നിലയത്തിന്റെയും ഫാമിലി വെല്‍ഫെയര്‍ സംഘത്തിന്റെയും ആഭിമുഖ്യത്തില്‍ എസ്.എസ്.എല്‍.സി, പ്ലസ് ടു പരീക്ഷകളില്‍ ഉന്നത വിജയം നേടിയ വിദ്യാര്‍ത്ഥികള്‍ക്ക് അവാര്‍ഡുകള്‍ നല്‍കി. പഞ്ചായത്ത് പ്രസിഡന്റ് കെ.വി. ജോസ് പരിപാടി ഉദ്ഘാടനം ചെയ്തു. ഫാ. ജോഫി ജോസഫ്, ഫാ. പി.പി. എല്‍ദോ, എം. ആര്‍. ചന്ദ്രശേഖരന്‍ മാസ്റ്റര്‍, പി.പി. രവീന്ദ്രന്‍, സാംസ്ക്കാരിക നിലയം പ്രസിഡന്റ് ഇ.എം. വര്‍ഗ്ഗീസ്, സെക്രട്ടറി എം.പി. സാബു എന്നിവര്‍ പ്രസംഗിച്ചു.

പരിസ്ഥിതിദിനമായ ജൂണ്‍ അഞ്ചിന് പട്ടിക്കാട് എല്‍.പി. വിദ്യാലയത്തിലെ വിദ്യാര്‍ത്ഥികള്‍ക്ക് വൃക്ഷതൈകള്‍ വിതരണം ചെയ്തു. വിധവ വെല്‍ഫെയര്‍ സംഘത്തിന്റെ ആഭിമുഖ്യത്തില്‍ നടന്ന ചടങ്ങ് എം.എല്‍.എ വിന്‍സെന്റ് ഉദ്ഘാടനം ചെയ്തു. യൂത്ത് കോണ്‍ഗ്രസ് നേതാവ് കെ.സി. അഭിലാഷ് അദ്ധ്യക്ഷത വഹിച്ചു.. പട്ടിക്കാട് ഹൈസ്ക്കൂളിലും ഹയര്‍സെക്കന്ററി സ്ക്കൂളിലും ലോക പരിസ്ഥിതി ദിനാചരണങ്ങള്‍ നടന്നു.

കളഞ്ഞുകിട്ടിയ 25000 രൂപ ഉടമസ്ഥന് തിരികെ നല്‍കി കണ്ണാറ കമ്പനിപ്പടി പാലാട്ടികുനത്താന്‍ അഗസ്തി മകന്‍ തോമസ് സത്യസന്ധതയുടെ ആള്‍രൂപമായി. ചെമ്പൂത്ര പണ്ടാത്ത് രാമകൃഷ്ണന്റെ പണമാണ് കളഞ്ഞുപോയത്. പീച്ചി എസ്.ഐ. വി.ഐ. ഡേവിസിന്റെ സാന്നിദ്ധ്യത്തില്‍ രാമകൃഷ്ണന്‍ തോമസില്‍ നിന്നും പണമേറ്റുവാങ്ങി.