തലചായ്ക്കാനൊരു വീട് താക്കോൽദാനം നാളെ

 

താക്കോൽദാന കർമ്മം ഫെബ്രുവരി രണ്ട് വൈകീട്ട് മൂന്നിന് മുൻ മുഖ്യമന്ത്രി ഉമ്മൻ ചാണ്ടി  നിർവ്വഹിക്കും

പീച്ചി മേഖല കോൺഗ്രസ്സ് നിർമ്മിച്ചു നൽകുന്ന “തലചായ്ക്കാനൊരു വീടിന്റെ ” താക്കോൽദാന കർമ്മം ഫെബ്രുവരി രണ്ട് വൈകീട്ട് മൂന്നിന് മുൻ മുഖ്യമന്ത്രി ഉമ്മൻ ചാണ്ടി  നിർവ്വഹിക്കും.
കഴിഞ്ഞ ആറു വർഷമായി പീച്ചി വിലങ്ങന്നൂർ വെറ്റിലപ്പാറയിൽ  താമസിക്കുന്ന വിധവയായ വേലൂക്കാരൻ രത്നമ്മക്കും തീപ്പൊള്ളലേറ്റ മകൾ രാജിക്കുമാണ് വീട് നിർമിച്ചുനൽകുന്നത്. രത്നമ്മയുടെ ഭർത്താവ് കെട്ടിട നിർമ്മാണ തൊഴിലാളിയായിരുന്നു. ഹൃദയാഘാതം മൂലം ഭർത്താവ് മരണപ്പെട്ട് ജീവിതം വഴിമുട്ടിയ വേളയിൽ ഇന്ദിരാഗാന്ധി
 ജന്മശതാബ്ദിയുടെ ഭാഗമായി ഭവന സന്ദർശനം നടത്തിയ പീച്ചി മേഖലയിലെ കോൺഗ്രസ്സ് പ്രവർത്തകരാണ് തലചായ്ക്കാനൊരു വീട് പണിതു നൽകാൻ തീരുമാനമെടുത്തത്.
12 വർഷമായി രത്നമ്മ ഹൃദ്രോഗിയാണ്.  ഒമ്പത്  വയസുക്കാരി  മകൾ രാജിക്ക് തീപൊള്ളലേറ്റ് ചികിത്സയിലാണ്. അമ്മയും മകളും രോഗികളാണെങ്കിലും  അത് വകവക്കാതെ ആഴ്ചയിലൊരിലെങ്കിലും തൊഴിലെടുത്ത് ജീവിതം മുന്നോട്ടുകൊണ്ടുപോകുന്നു. വിധവപ്പെൻഷന് അപേക്ഷിച്ചിട്ടും
ഇതുവരെ പെൻഷനും ലഭിക്കുന്നില്ല. ടാർപ്പായ  മറച്ച ഒരു ചെറ്റക്കുടിലിലാണ് ഇവരുടെ താമസം.
രണ്ട് ബഡ് റൂം, ഹാൾ, അടുക്കള ,ബാത്ത് റൂം, സിറ്റവുട്ടുമടങ്ങിയതാണ് 500 ചതുരശ്ര അടിയുളള വീട്.
12-11-2017 ൽ മുൻ വനംവകുപ്പ് മന്ത്രി കെ.പി വിശ്വനാഥൻ തറക്കല്ലിട്ട് നിർമ്മാണ പ്രവർത്തനം ആരംഭിച്ചു.
അഞ്ച് ലക്ഷം രൂപയാണ് നിർമാണ ചെലവ്.
മുൻ പഞ്ചായത്ത് പ്രസിഡൻറ് ശകുന്തള ഉണ്ണികൃഷ്ണൻ, ഷൈജുകുര്യൻ എന്നിവരാണ്  നിർമ്മാണ പ്രവർത്തനങ്ങൾക്ക് പൂർണ്ണ നേതൃത്വം ഏറ്റെടുത്തത്.
 കോൺഗ്രസ്സ് നേതാക്കളായ എം കെ ശിവരാമൻ, ടി.പി ജോർജ്, ഷിബു പോൾ, വാർഡ് മെമ്പർ ജിഷ വാസു, കുര്യാക്കോസ് ഫിലിപ്പ്, സജി താന്നിക്കൽ, ജിസ് മോൻ ജോയ്, ജിബിൻ ജോജി, ജയചന്ദ്രൻ കെ വി തുടങ്ങിയവരുടെയും പിന്തുണയും സഹായവുമുണ്ടായിരുന്നു.
കതിരപ്പിള്ളി ശ്രീധരൻ മെമ്മോറിയൽബാഡ്മിന്റൺ ടൂർണ്ണമെന്റ്

കുട്ടാല കതിരപ്പിള്ളി ശ്രീധരൻ മെമ്മോറിയൽ ബാഡ്മിന്റൺ അക്കാദമിയുടെ നേതൃത്വത്തിൽ 2018 ഡിസംബർ 26 മുതൽ ജനുവരി 1 വരെ കലാഭവൻ മണിയുടെ 48ാം ജന്മദിന അനുസ്മരണത്തിന്റെ ഭാഗമായി
സ്മാഷ്‌ 2019 ബാഡ്മിന്റൺ ടൂർണമെന്റ്.

റജിസ്ട്രേഷൻ ഫീ: 500
ഫസ്റ്റ് പ്രൈസ് : 12000
സെക്കന്റ് പ്രൈസ് : 6000
റജിസ്ട്രേഷൻ അവസാന തീയതി 2018 ഡിസംബർ 25 ഉച്ചയ്ക്ക് 2  വരെ.
ബന്ധപ്പെടുക
രക്ഷാധികാരി : കെ എസ്‌ മണിവർണൻ 9744919874
കോർഡിനേറ്റർ : സിബിൻ സണ്ണി 6282266507

ഗ്രാമപഞ്ചായത്ത് ഭരണത്തിനെതിരെ വാഹന പ്രചരണ ജാഥ

പാണഞ്ചേരി ഗ്രാമപഞ്ചായത്തിലെ കെടുകാര്യസ്ഥതയ്ക്കും ഭരണ സ്തംഭനത്തിനുമെതിരെ യുഡിഎഫ് പാർലമെന്ററി പാർട്ടിയുടെ നേതൃത്വത്തിൽ വാഹന പ്രചരണ ജാഥ നടത്തി. കെ.പി.സി.സി അംഗം എം.പി വിൻസെന്റ് ജാഥാ ക്യാപ്റ്റൻ ബാബു തോമസിനു പതാക കൈമാറി ഉദ്ഘാടനം ചെയ്തു. മണ്ഡലം പ്രസിഡന്റ് ഷിബു പോൾ അധ്യക്ഷത വഹിച്ചു.

ഡിസിസി ജനറൽ സെക്രട്ടറി ഭാസ്കരൻ ആതംകാവിൽ, ബ്ലോക്ക് കോൺഗ്രസ് പ്രസിഡന്റ് കെ.സി അഭിലാഷ്, മഹിളാ കോൺഗ്രസ് ജില്ലാ പ്രസിഡന്റ് ലീലാമ്മ തോമസ്, ഐഎൻടിയുസി ജില്ലാ സെക്രട്ടറി ടി.പി ജോർജ്, പഞ്ചായത്ത് അംഗങ്ങളായ കെ.പി എൽദോസ് , പി.ടി .ഔസേപ്പ്, ഇ. എം മനോജ് , ടി.എ ജയ, ഡെയ്സി പായപ്പൻ, ജിഷ വാസു, സാലി തങ്കച്ചൻ,ബ്ലോക്ക് കോൺഗ്രസ് വൈസ് പ്രസിഡന്റുമാരായ സി.വി ജോസ്, ഷിജോ പി .ചാക്കോ, കെ.പി ചാക്കോച്ചൻ, റോയ് തോമസ്,  ജിനേഷ്, റെജി പി പി , രാജേഷ് കുളങ്ങര , ബേബി ആശരികാട് തു ടങ്ങിയവർ പ്രസംഗിച്ചു .

2500 പേർക്കുള്ള ജലനിധി കുടിവെള്ള പദ്ധതി  50000 രൂപ ചെലവഴിച്ചാൽ പുന:സ്ഥാപിയ്ക്കപ്പെടുമായിരുന്നു.  പ്രളയം കഴിഞ്ഞ് നാലുമാസം കഴിഞ്ഞിട്ടും അതുണ്ടായില്ല. നിയോജക മണ്ഡലത്തിലെ എല്ലാ പ്രാഥമിക ആരോഗ്യ കേന്ദ്രത്തിലും സായാഹ്ന ഒപി തുടങ്ങി. അനുമതി ലഭിച്ച് മാസങ്ങൾ കഴിഞ്ഞിട്ടും പക്ഷേ പട്ടിക്കാട് സർക്കാർ ആശുപത്രിയിൽ സായാഹ്ന ഒപി ആരംഭിക്കുന്നതിൽ ചെറുവിരൽപോലും അനക്കാനായിട്ടില്ല. ക്രിമറ്റോറിയം ശവസംസ്കാരത്തിന് ഉപയുക്തമാക്കുന്നതിൽ  പരാജയപ്പെട്ടു. സ്ട്രീറ്റ് ലൈറ്റ് തെളിയാതെ ജനങ്ങൾ ഇരുട്ടിലാണ്. അതീവഗുരുതരമായ ഇത്തരം വിഷയങ്ങൾ പരിഹരിക്കുന്നതിന് നടപടി കൈക്കൊള്ളാത്ത ഇടതുപക്ഷ ഭരണസമിതിയുടെ തെറ്റായ നയങ്ങൾ തിരുത്തണമെന്ന് ആവശ്യപ്പെട്ടായിരുന്നു പാണഞ്ചേരി പഞ്ചായത്ത് പ്രതിപക്ഷ അംഗങ്ങളുടെ നേതൃത്വത്തിൽ വാഹന പ്രചരണ ജാഥ.

സാവിത്രി സദാനന്ദൻ പ്രസിഡന്റ്

ട്ടിക്കാട് വനിത സോഷ്യൽ വെൽഫെയർ കോ-ഓപ്പറേറ്റീവ് സൊസൈറ്റി തെരഞ്ഞെടുപ്പിൽ സാവിത്രി സദാനന്ദൻ പ്രസിഡന്റായി തെരഞ്ഞെടുക്കപ്പെട്ടു. ബുഷറഹാരീസാണ്  വൈസ് പ്രസിഡന്റ്.

കുഞ്ഞപ്പേട്ടൻ നിര്യാതനായി

ൽപ്പാറ ശാന്തിനഗർ ഇലവുംതറപ്പിൽ മത്തായി മകൻ മാത്യൂ (കുഞ്ഞപ്പൻ -7 5 ) നിര്യാതനായി. വെള്ളിയാഴ്ച 14 ഡിസംബർ 2018 പുലർച്ച 12.15 നായിരുന്നു അന്ത്യം.

സംസ്കാര ശുശ്രൂഷ ഇന്ന് വൈകീട്ട് 4.30ന് കണ്ണാറ സെന്റ് ജോസഫ് ദേവാലയത്തിൽ.

മക്കൾ: സണ്ണി, ജെയിംസ്, രാജീവ്, ജോസഫ്. മരുമക്കൾ: ലില്ലി, സുജ, ജീബ, ജിംസി.

താമര വെള്ളച്ചാൽ ദളിത് കോൺഗ്രസ്

പാണഞ്ചേരി ഗ്രാമപഞ്ചായത്ത് പീച്ചി താമരവെള്ളച്ചാൽ ആദിവാസി കോളനിയിൽ ദളിത് കോൺഗ്രസ് ബൂത്ത് കമ്മിറ്റിക്ക് രൂപം നൽകി. പഞ്ചായത്ത് മെമ്പറും ദളിത് കോൺഗ്രസ് ബ്ലോക്ക്   സെക്രട്ടറിയുമായ ഇ എം മനോജ് ചടങ്ങിൽ അധ്യക്ഷത വഹിച്ചു. പാണഞ്ചേരി ഗ്രാമപഞ്ചായത്ത് പ്രതിപക്ഷ നേതാവ്   ബാബു തോമസ് യോഗം ഉദ്ഘാടനം ചെയ്തു. ദളിത് കോൺഗ്രസ് ജില്ലാ സെക്രട്ടറി കെ എ ഗോപാലൻ മുഖ്യപ്രഭാഷണം നടത്തി.

താമരവെള്ളച്ചാൽ  ദളിത് കോൺഗ്രസ് ഭാരവാഹികളായി പ്രസിഡണ്ട് സദാനന്ദൻ, സെക്രട്ടറി കൊച്ചു മാത്തു, ട്രഷറർ മാധവൻ ഐചൂട്ടിൽ തുടങ്ങിയവരെ തിരഞ്ഞെടുത്തു.

യോഗത്തിൽ മണ്ഡലം കോൺഗ്രസ് ജനറൽ സെക്രട്ടറി എം കെ അയ്യപ്പൻ ജോസ് ചുങ്കത്ത് തുടങ്ങിയവർ  സംസാരിച്ചു.

2019 കോൺഗ്രസിന്റേത്

 

2019ലെ ലോക തെരഞ്ഞെടുപ്പ് ഫലം കർഷക അനുകുല നടപടികളെ ആശ്രയിച്ചായിരിക്കുമെന്ന് സുനിശ്ചിതം

2019 ഇന്ത്യൻ ജനാധിപത്യ വ്യവസ്ഥക്ക് നിർണ്ണായകം. 2019 മെയ് മാസത്തിനു ശേഷവും അധികാരത്തിന്റെ ഹിന്ദുത്വ പതാക ദില്ലിയിൽ ഉയർന്നു പറക്കുമോയെന്ന ചോദ്യത്തിനുള്ള ഉത്തരമാണ് നിർണ്ണായകമാവുക. അഞ്ചു സംസ്ഥാനങ്ങളിലെ അസംബ്ലി തെരഞ്ഞെടുപ്പ് ഫലത്തിലായിരുന്നു ഇന്ത്യൻ രാഷ്ട്രീയ നിരീക്ഷകരുടെ ശ്രദ്ധ. ഹിന്ദി മേഖലകളായ രാജസ്ഥാൻ, മധ്യപ്രദേശ്, ഛത്തിസ്ഗഡ് അസംബ്ലി തെരഞ്ഞെടുപ്പ് ഫലം നൽകുന്നത് 2019ലെ പൊതു തെരഞ്ഞടുപ്പിൽ രാജ്യം മോദി സംഘ് നെ ദില്ലയിൽ നിന്ന് കുടിയൊഴുപ്പിക്കുമെന്നതിന്റെ ശക്തമായ സൂചനയാണ്.

തുടർച്ചയായി 15 വർഷം ഭരിച്ചതിനു ശേഷമാണ് മധ്യപ്രദേശിൽ ബിജെപിയുടെ ശിവരാജ് സിംഗ്ചൗഹാനെയും ഛത്തിസ്ഗഡിൽ രമൺസിങിനെയും ജനം കയ്യൊഴിഞ്ഞത്. രാജസ്ഥാനിലാകട്ടെ വസുന്ധരയെ  അഞ്ചു വർഷം കൊണ്ടുതന്നെ ജനം മടുത്തു. ഹിന്ദുത്വ രാഷ്ട്രീയ സംസ്ഥാപനത്തിലായിരുന്നു ഈ ബിജെ പി മുഖ്യമന്ത്രിമാരുടെ മുഖ്യ ഊന്നൽ. അധികാര വിനിയോഗം പക്ഷേ ജനക്ഷേമ പ്രവർത്തനങ്ങളിലായിരുന്നില്ല. ഇതിന്റെ കൃത്യമായ പ്രതിഫലനമായിരുന്നുവല്ലോ മധ്യപ്രദേശിലെ മൻസൂർ കർഷക കലാപം. രാജ്യം സാക്ഷ്യം വഹിച്ച ഈ കർഷക കലാപത്തിന് പ്രത്യേകിച്ചൊരു പ്രതിപക്ഷ പാർട്ടിയുടെ നേതൃത്വുണ്ടായിരുന്നില്ലെന്നത് പ്രത്യേകം ശ്രദ്ധേയം. ഈ രാഷ്ട്രീയ സ്ഥിതിവിശേഷത്തിൽ ഭരണവിരുദ്ധ വികാരം
സ്വഭാവികമായും പ്രകടമായിരിക്കുന്നുവെന്ന് സാരം. കർഷക പ്രശ്ന പരിഹാരമെന്ന ഉത്തരവാദിത്തമേറ്റെടുക്കുന്നതിൽ ബിജെപിയുടെ കേന്ദ്ര സർക്കാരും ഒപ്പം മധ്യപ്രദേശ്, രാജസ്ഥാൻ, ഛത്തിസ്ഗഡ് ബി ജെ പി സർക്കാരുകളും പരാജയപ്പെടുന്നുവെന്നതിനുള്ള മറുപടിയാണിപ്പോൾ ജനങ്ങൾ നൽകിയിരിക്കുന്നത്.

17ാം ലോകസഭയിൽ കോൺഗ്രസിന് 44 സി റ്റുകൾ മാത്രം.2019 ലെ 18ാം ലോകസഭയിൽ ഈയൊരവസ്ഥ തിരുത്തപ്പെടുമെന്ന ശുഭ പ്രതീക്ഷ തന്നെയാണ് ഈ അസംബ്ലി തെരഞ്ഞെടുപ്പ് ഫലം കോൺഗ്രസിന് നൽകുന്നത്. 17ാം ലോകസഭയിൽ രാജസ്ഥാൻ, മധ്യപ്രദേശ്, ചത്തീസ്ഗഡ് സംസ്ഥാനങ്ങളിൽ നിന്ന് കോൺഗ്രസ് ലോകസഭാംഗങ്ങളുടെ അംഗബലം തീർത്തും ശുഷ്ക്കം.

രാജസ്ഥാനിലെ 25 സീറ്റുകളിൽ രണ്ടു സിറ്റുകൾ മാത്രമാണ് കോൺഗ്രസ് അക്കൗണ്ടിലുള്ളത്. മധ്യപ്രദേശിൽ നിന്നുള്ള 29 ലോകസഭ സീറ്റുകളിൽ 27 ഉം ബിജെപിക്കൊപ്പം. ഛത്തിസ്ഗഡിലെ 11 ൽ ഒരു സീറ്റ് മാത്രമാണ് കോൺഗ്രസിന്‌. ഈ മൂന്ന് ഹിന്ദി ബൽറ്റ് സംസ്ഥാനങ്ങളിൽ മൊത്തം 65 സീറ്റുകൾ. ഇതാകട്ടെ കേന്ദ്രത്തിൽ സർക്കാർ രൂപീകരണത്തിൽ നിർണ്ണായകം തന്നെയാണ്. മാറിയ രാഷ്ട്രീയ സാഹചര്യം അടിവരയിടുന്നത് 2019 മെയ് മാസത്തിലെ പൊതു തെരെഞ്ഞടുപ്പിൽ ബി ജെ പിയുടെ അവസ്ഥ പരിതാപകരമായിരിക്കുമെന്നുതന്നെയാണ്.

ഇനി പൊതു തെരഞ്ഞെടുപ്പിലേക്ക് കേവലം അഞ്ചുമാസം മാത്രം. ഇത്രയും സമയത്തിനുള്ളിൽ
നോട്ടു നിരോധനവും ജി എസ് ടി യുമടക്കം സൃഷ്ടിച്ച പ്രതിസന്ധികളെ മറികടക്കുകയെന്നത് മോദിയുടെ കേന്ദ്ര സർക്കാരിന് ഒട്ടും എളുപ്പമാവില്ല. കോൺഗ്രസ് വിമുക്ത ഭാരതത്തിൽ ഹിന്ദു രാഷ്ട്ര സംസ്ഥാപ നമെന്ന മോദി സംഘിന്റ് മോഹം പൂവണിയുവാൻ പോകുന്നില്ലെന്നതിന്റെ ശക്തമായ സൂചനയാണ് ഈ അസംബ്ലി തെരഞ്ഞെടുപ്പ് ഫലം മുന്നോട്ടുവയ്ക്കുന്നത്. അതേേമയം ഈ സംസ്ഥാനങ്ങളിൽ അധികാരത്തിലേറുന്ന സർക്കാരുകൾ കർഷക പ്രശ്ന പരിഹാരത്തിനായി സ്വികരിക്കുവാൻ പോകുന്ന നടപടികളിലാണ്  ഏവരും ഉറ്റുനോക്കുുന്നത്. 2019ലെ ലോക തെരഞ്ഞെടുപ്പ് ഫലം കർഷക അനുകുല നടപടികളെ ആശ്രയിച്ചായിരിക്കുമെന്ന് സുനിശ്ചിതം. ഹിന്ദുത്വ സം സ്ഥാപനമെന്ന ദൗത്യമാണ് ഭരണം കൈപിടിിയിലാക്കുന്നതിനുള്ളള പ്രധാന മാർഗ്ഗമെന്നതിന് ശക്തമായ ഒരു തിരുത്തും ഈ തെരഞ്ഞെടുപ്പു ഫലങ്ങളിൽ നിന്ന് വായിച്ചെടുക്കാവുന്നതാണ്.

പാണഞ്ചേരി ബ്ലോക്ക് കോൺഗ്രസ് സോണിയാ ഗാന്ധിയുടെ ജന്മദിനമാഘോഷിച്ചു

യു പി എ ചെയർപേഴ്സൺ സോ  ണിയാഗാന്ധിയുടെ എഴുപത്തിരണ്ടാം ജന്മദിനത്തിന്റ ഭാഗമായി പാണഞ്ചേരി ബ്ലോക്ക് കോൺഗ്രസ് കമ്മിറ്റിയുടെ നേതൃത്വത്തിൽ ജന്മദിനാഘോഷവും ബ്ലോക്ക് നേതൃയോഗവും സംഘടിപ്പിച്ചു.

ഡിസിസി ജറൽ സെക്രട്ടറി ഭാസ്കരൻ ആദം കാവിലും കെപിസിസി മെമ്പർ  ലീലാമ്മ തോമസ് ചേർന്ന് ജന്മദിന കേക്കുമുറിച്ച് ജന്മദിന ആഘോഷ പരിപാടി ഉദ്ഘാടനം ചെയ്തു.ബ്ലോക്ക് കോൺഗ്രസ് പ്രസിഡണ്ട് കെ സി അഭിലാഷ് ചടങ്ങിൽ അദ്ധ്യക്ഷത വഹിച്ചു.

ജില്ലാ അർബൻ ബാങ്ക് വൈസ് ചെയർമാനായി തെരഞ്ഞെടുക്കപ്പെട്ട ബ്ലോക്ക് ജന സെക്രട്ടറി പി എം ബാദുഷയെ യോഗം അനുമോദിച്ചു. കോൺഗ്രസ് മണ്ഡലം പ്രസിഡണ്ടുമാരായ ജോസ് പാലാക്കാരൻ, ഇ.എസ് അനിരുദ്ധൻ, ടി എസ് മനോജ് കുമാർ , ഷിബു പോൾ , എം എൽ ബേബി, ശകുന്തള ഉണ്ണികൃഷ്ണൻ തുടങ്ങിയവർ യോഗത്തിൽ സംസാരിച്ചു.

പട്ടിക്കാട് ഫുട്ബോൾ മേള ജനുവരി ഏഴ് മുതൽ 13 വരെ

പാണഞ്ചേരി ഗ്രാമപഞ്ചായത്ത് പ ട്ടിക്കാട് ഫ്രണ്ട്സ് ഫ്ലഡ്ലൈറ്റ് ഫുട്ബോൾ ഫെസ്റ്റ് സീസൺ – 3 ജനുവരി ഏഴ് മുതൽ 13 വരെ.

പാണഞ്ചേരി ഗ്രാമപഞ്ചായത്തിലെ ഫുട്ബോൾ ടീമകളടക്കം തൃശൂർ, പാലക്കാട് ജില്ലകളിലെ ടീമുകൾ മേളയിൽ മാറ്റുരുക്കും.

ദിവസവും മൂന്നു തലങ്ങളിലുള്ള മത്സരങ്ങൾ ; പഞ്ചായത്ത് – വെറ്ററൻ – അന്തർ സംസ്ഥാനതല മത്സരങ്ങൾ. താല്കാലിക നാലുനില ഗാലറിയാണ് തയ്യാറാക്കപ്പെടുന്നത്.

ക്വാളിഫൈയിംഗ് മത്സരങ്ങളിലൂടെ വിജയികളാകുന്ന പാണഞ്ചേരി ഗ്രാമ പഞ്ചായത്തിലെ 8 ടീമുകൾ പങ്കെടുക്കും. പഞ്ചായത്തുതല വിജയികളെ 10001രൂപ ക്യഷ് പ്രൈസും മൂന്നടിയിലേറെ ഉയരമുള്ള സ്വർണ്ണകപ്പുമാണ് കാത്തിരിക്കുന്നത്.

മേളയിൽ വെറ്ററൻസ് മത്സരങ്ങളും അരങ്ങേറും. ദേശീയ – അന്തർ ദേശീയ മത്സരങ്ങളിൽ കാൽപന്തുക്കളിയുടെ മായാജാലങ്ങൾ തീർത്ത  മുതിർന്ന താരങ്ങൾ മൈതാനത്ത് അണിനിരക്കും.
കേരളത്തിൻ്റെ കാൽപ്പന്തുക്കളികരുത്ത് ലോകത്തിനു കാണിച്ചുകൊലടുത്ത എട്ടു ടീമുകളുടെ പ്രകടനം ഈ മേളയുടെ പ്രത്യേക ആകർഷണമാകും.
മൂന്നര അടിയിലേറെ ഉയരമുള്ള   സ്വർണ്ണകപ്പും 10000 രുപയുമാണ് വിജയികൾക്ക് സമ്മാനിക്കപ്പെടുക.

അന്തർസംസ്ഥാന തലത്തിൽ കേരളത്തിലെയും തമിഴ്നാട്ടിലെയും എട്ടു പ്രമുഖ ടീമുകൾ മാറ്റുരയ്ക്കുന്ന മത്സരങ്ങളാണ് ഈ ടൂർണ്ണമെൻ്റിൻ്റെ മറ്റൊരു ഹൈലൈറ്റ്. 25001 രൂപയും അഞ്ചടിയിലേറെ ഉയരമുള്ള ഗോൾഡൻ ട്രോഫിയുമാണ് സമ്മാനം.

FB കടപ്പാട്

ഇന്ന് എടപ്പലത്തെ അനാമിക സീകേരളം റിയാലിറ്റി ഷോയിൽ

ന്ന്, ഡിസംബർ 8, 2018, രാത്രി 8.30 ന് സീകേരളം  ചാനൽ ഡികെഡി  ഡാൻസ് റിയാലിറ്റി ഷോയിൽ പാണഞ്ചേരി ഗ്രാമപഞ്ചായത്ത് അഭിമാനമായിമാറിയ എടപ്പലം സ്വദേശി കലാകാരി അനാമിക സതീഷിന്റെ ഡാൻസ്. സൂര്യാ ടിവിിയുടെ റിയാലിറ്റി   ഷോയിലും മുമ്പ് ഈ കലാകാരി പങ്കെടുത്തിട്ടുണ്ട്.

ഈ കൊച്ചു കലാകാരിയെ പ്രോത്സാഹിപ്പിക്കുന്നതിന്റെ ഭാഗമായി  പാണഞ്ചേരി ഗ്രാമ നിവാസികൾ ഇന്ന് ചാനൽ കാണണമെന്ന്  കലാസ്നേഹികൾ അഭ്യർത്ഥിച്ചു.