posted by ലിജിമോള്‍ വി.എ, ഹ്യൂമാനിറ്റിസ്, ജിഎച്ച്എസ്എസ് പീച്ചി on  24 July 11 at 05:24 AM

സായാഹ്ന വേളയില്‍ പച്ചപുല്‍പ്പായയില്‍

ഏകാഗ്രചിത്തയായ് ഞാനിരിക്കേ

മിന്നിത്തിളങ്ങുമാ മിന്നാമിനുങ്ങുകള്‍

പൊന്‍ശോഭയെങ്ങും പരത്തീടുന്നു.

ഇളംതെന്നല്‍ തഴകുവമെന്‍ വാര്‍മുടിയില്‍

മിന്നാമിനുങ്ങുകള്‍ ഉമ്മവെച്ചു പാറീ

മെല്ലെ ശിരസ്സുയര്‍ത്തീ നോക്കീ ഞാന്

പൂനിലാവുപൊഴിക്കുമാ പൂര്‍ണ്ണ ചമ്ദ്രനെ

പെട്ടന്നതാ വിണ്ണിന്‍ മാറില്‍ നിന്നുമെന്‍ –

കവിള്‍ത്തടത്തിവലിറ്റിറ്റുവീണു മഴത്തുളളീ

തെല്ലു ഞെട്ടി ഞാന്‍ നോക്കവേ കണ്ടൂ

തിളങ്ങും നയനവുമായ് നില്‍ക്കുമാ താരത്തെ

കണ്ണൊന്നു ചിമ്മിയവള്‍ എന്നെ നോക്കി

വീണ്ടുമെന്‍ നെറ്റിമേലുതിര്‍ന്നു വീണൂ മഴത്തുളളീ

ഗഗനഗൃഹത്തില്‍ വെണ്‍മെത്തമേല്‍ കിടക്കുമാ –

താരത്തിന്‍ കണ്ണില്‍ തിളങ്ങുന്ന കണ്ണുനീരോ ?

തെല്ലു കൌതുകം പൂണ്ടു ചോദിച്ചു ഞാന്‍

ഹേ, താരസുന്ദരി നീയെന്തിനു മിഴിനീര്‍ പൊഴിക്കുന്നൂ ?

പാതിയടഞ്ഞ കണ്ണുകള്‍ പതുക്കെ ത്തുറന്നവള്‍ ചൊല്ലീ

നീ കേള്‍ക്കുന്നില്ലയോ ഈ ഇരുട്ടിന്‍ തേങ്ങലുകള്‍

ഈ ലോകമെത്ര സുന്ദരം ഈ ലോക ജിവിതം ദുഷ്ക്കരം

“ആനന്ദചിത്തയായ് കണ്‍തുറന്ന നാള്‍ കണ്ടു ഞാന്‍

തിന്മയെപ്പെറ്റുപ്പോറ്റും മനുജനെ

അമ്മയാം ഭൂമിയെകൊന്നുതിന്നുന്നവര്‍

തിന്മതന്‍ വിത്തുകള്‍ വാരി വിതറുന്നു

കൊല്ലും കൊലയും ഹരമായയീ മണ്ണില്‍

ദു:ഖമാംഭാണ്ഡം മുതുകില്‍ ചുമന്ന് ശാന്തി തേടി-യലയുന്നൂ ചിലര്‍.

ഒന്നും കണ്ടില്ലെന്നു നടിച്ച ഞാന്‍ കേള്‍ക്കുന്നതോ

പട്ടിണിപ്പാവങ്ങള്‍ തന്‍ മുറവിളികള്‍ “

By സെഫി.പി.എ. ജിഎച്ച്എസ്എസ് പട്ടിക്കാട് on 24 July 11 at 01:13 AM

കോശങ്ങള്‍ ചേര്‍ന്നു ഞാനുണ്ടായി, ഞാനുണ്ടായ കഥയൊന്നു കേള്‍ക്കണെ നിങ്ങള്‍

എന്നമ്മതന്‍ ഗര്‍ഭപാത്രത്തില്‍ ഞാനുരുവായി

ഞാനൊരു ചെറിയ കുഞ്ഞായി ഗര്‍ഭപാത്രത്തിലനങ്ങാതെ കിടന്നു

ഞാനവിടെ കിടക്കുമ്പോള്‍ കുറെ വൈഷമ്യാനുഭവങ്ങളെനിക്കുണ്ടായി

എന്നമ്മയുടെ ഉദരത്തില്‍ കിടക്കവെ ചിലരെന്നെ ചാഞ്ചാട്ടി

മാരുതനങ്ങു വീശിയടിക്കെ എന്നമ്മ കുലുങ്ങി കുലുങ്ങിയിരുന്നു

അപ്പോള്‍ ഞാനും കുലുങ്ങി മഞ്ഞും മഴയും ഞാനമ്യത ധാരകള്‍

പോലെ ഏറ്റുവാങ്ങി കുറെ നാളുകള്‍ കഴിയവെ

പെണ്‍കൊടികള്‍ നിര നിരയായി

അരിവാളുമായി കൊയ്യുവാന്‍ വന്നു

എന്നമ്മയെ അരിഞ്ഞവര്‍ കെട്ടാക്കി വച്ചു

എന്നമ്മയുടെ ഗര്‍ഭപാത്രെത്ത ചവിട്ടി മെതിച്ചവര്‍

ഒരു പൊന്‍കുഞ്ഞിനെ ഗര്‍ഭപാത്രത്തില്‍ നിന്നും പുറത്തിടുത്തു

അതാണു ഞാന്‍ നിങ്ങളുടെ അക്ഷികളുടെ മുന്നില്‍കാണുന്ന

കടയിലിരിക്കും ചാക്കുകളിലുളള അരിമണികള്‍

posted by സ്റ്റെഫിസൂസന്‍ കുരുവിള on on 18 June 11 at 08:51 AM

സ്റ്റെഫിസൂസന്‍ കുരുവിള

സ്റ്റാന്‍ഡേര്‍ഡ് Vth

സെന്റ്. ആന്റോണ്‍ വിദ്യാപീഠം

സി. ബി. എസ്. ഇ. പീച്ചി

 

 എന്നും പ്രഭാതത്തില്‍ നല്‍ക്കണിയായി എന്‍ മുന്നില്‍ എത്തുന്ന

എന്‍ അമ്മയെ ഞാന്‍ സ്‌നേഹിക്കുന്നു.

 

എന്‍ വിഷാദത്തില്‍ എന്റെ കൂടെയുളള

എന്‍ അമ്മയെ ഞാന്‍ സ്‌നേഹിക്കുന്നു.

 

എന്‍ സന്തോഷത്തില്‍ എന്‍ കൂടെയുളള

എന്‍ അമ്മയെ ഞാന്‍ സ്‌നേഹിക്കുന്നു.

 

എന്നും എന്‍ കണ്‍മണിയായി നോക്കുന്ന

എന്‍ അമ്മയെ ഞാന്‍ സ്‌നേഹിക്കുന്നു.

 

സദാനേരവും എന്‍ കൂടെയുളള

എന്‍ അമ്മയെ ഞാന്‍ സ്‌നേഹിക്കുന്നു.

 

എനിക്കുവേണ്ടി ഏറെ ത്യാഗങ്ങള്‍ സഹിക്കുന്ന

എന്‍ അമ്മയെ ഞാന്‍ സ്‌നേഹിക്കുന്നു.

 

രോഗം വരുമ്പോള്‍ എന്‍ കാവലായിരിക്കുന്ന

എന്‍ അമ്മയെ ഞാന്‍ സ്‌നേഹിക്കുന്നു.

 

എന്‍ ഇഷ്ടങ്ങള്‍ നിറവേറ്റിടുന്ന

എന്‍ അമ്മയെ ഞാന്‍ സ്‌നേഹിക്കുന്നു.

 

എന്നെ എന്നും സല്‍സ്വഭാവം പഠിപ്പിച്ചീടുന്ന

എന്‍ അമ്മയെ ഞാന്‍ സ്‌നേഹിക്കുന്നു.

 

അനേകം മുത്തങ്ങള്‍ കൊണ്ട് എന്‍ ജീവിതം ശോഭിതമാക്കുന്ന

എന്‍ അമ്മയെ ഞാന്‍ സ്‌നേഹിക്കുന്നു.

 

എന്‍ ജീവിതത്തില്‍ എന്റെ എല്ലാമെല്ലാമായ

എന്‍ അമ്മയെ ഞാന്‍ സ്‌നേഹിക്കുന്നു.

posted by ഫ്രെഡി ഇഗ്നേഷ്യസ് ജിഎച്ച്എസ്എസ് പട്ടിക്കാട് on on 24 July 11 at 01:09 AM
നാലില്‍ പഠിക്കുമ്പോള്‍ വാങ്ങിയ ഷര്‍ട്ടാ, ദൈവമേ കീറോ? നിക്കറ് പിന്നെ മൂപ്പന്‍ വാങ്ങിതന്നതുകൊണ്ട്‌പേടിക്കാനില്ല. പുതിയ സ്ക്കുളില്‍ പോവല്ലേ ഏങ്ങിനെയായിരിക്കും? വലിയതാന്നാ പഠിപ്പിച്ച മൂപ്പന്റെ മോന്‍ പറഞ്ഞത്. നന്നായി പഠിക്കണം. മൂപ്പന്റെ മോനെ പോലെ ആകണം. പുതിയ സ്ക്കുളിനെ കുറിച്ചുളള മനകോട്ടകള്‍ കെട്ടി കേശു സ്ക്കുളിലേക്ക് നീങ്ങി. അവന്റെ കണ്ണ് തളളിപ്പോയി എന്താ ഒരു വലിപ്പം. മുകളില്‍ ആകാശവും താഴെ ഭൂമിയും മുന്നില്‍ കാടും കണ്ട് വളര്‍ന്ന ആദ്യമായാണ് ഇങ്ങനെ ഒരു സ്ക്കൂളിലേക്ക് പോകുന്നത്. വീട്ടില്‍ ചെന്നാല്‍ ടീച്ചറ് പഠിപ്പിക്കണ് കാര്യങ്ങള്‍ അമ്മയോട് പറയാം എന്ന് പറഞ്ഞാണ് കുടിയില്‍ നിന്നിറങ്ങിയത്. എന്നാല്‍ കേശുവിന് ടീച്ചറുടെ മൊഴികള്‍ ഒരു അടിയായി തീര്‍ന്നു. ഇനിപ്പെ എന്നാചിയാ ടീച്ചറ് പറയണതൊന്നും മനസ്സിലാണില്ലല്ലേ. . ആള്‍ ഓഫ് ഗുഡ്‌മോണിങ്ങോ എന്നത്. അമ്മയാ പറഞ്ഞത് മനസ്സിലാക്കില്ലെങ്കില്‍ പിന്നെ പഠിക്കാന്‍ വിടിലാന്ന്. അപ്പോ എങ്ങനാ വല്യ ആളാവാ? കേശു അടുത്തിരുന്ന കൂട്ടുകാരനെ തോണ്ടി വിളിച്ചു എന്നിട്ട് ചോദിച്ചു എന്താണ് ഇതിനര്‍ത്ഥം. കുറുമ്പനായ കൂട്ടുകാരന്‍ അത് മറ്റുളളവരോട് പറഞ്ഞ് കേശുവിനെ പരിഹസിച്ച് ചിരിച്ചു പാവം കേശു. അപ്പോള്‍ ഇതു കണ്ട സന്ധ്യ ടീച്ചര്‍ കേശുവിനെ അടുത്തു വിളിച്ചു ആശ്വസിപ്പിച്ചു; എന്നിട്ട് പറഞ്ഞു, ഗുഡ്‌മോണിങ്ങിന്റെ അര്‍ത്ഥമാണോ അത് ഇംഗ്ലീഷാണ്. ഇതിനര്‍ത്ഥം നല്ല ഒരു പ്രഭാതം നേരുന്നു എന്നാണ്.

 

വര്‍ഷങ്ങള്‍ കടന്നുപ്പോയി സന്ധ്യ ടീച്ചര്‍ വാര്‍ദ്ധ്യകത്തിന്റെ അവസ്ഥയിലായിരുന്നു. കേശുവിനെ കുറിച്ച് യാതൊരു അറിവുമില്ല. ഒരിക്കല്‍ സന്ധ്യ ടീച്ചര്‍ ബസ്സ് സ്റ്റോപ്പില്‍ ബസ്സ് കാത്ത് നില്‍ക്കുകയായിരുന്നു അപ്പോള്‍ ഒരു സുന്ദര കുട്ടപ്പന്‍. ഇരുനിറം കഴുത്തിലൊരു ടൈയും ഉണ്ട്. കൈയില്‍ നിഘണ്ടു പോലെയുളള രണ്ട് പുസ്തകങ്ങള്‍ പാന്റാണ് ഇട്ടിരിക്കുന്നത്. അവന്‍ ടീച്ചറോട് പറഞ്ഞു; ആരാ മനസ്സിലായില്ലേ? എന്നെ ആദ്യമായ് ഇംഗ്ലീഷില്‍ ആദ്യമായ് ഗുഡ്‌മോണിങ്ങ് പറയാന്‍ പഠിപ്പിച്ചത് ടീച്ചറാണ്. ആ വാക്കുകള്‍ ടീച്ചറെ ഓര്‍മ്മകളിലൂടെ കൊണ്ട് പോയി. കണ്ട്പിടിച്ചേ എന്നരീതിയില്‍ ഒരു പുഞ്ചിരിയോട് കൂടെ ടീച്ചര്‍ പറഞ്ഞു. എന്റെ കേശു നീ ഇപ്പോ എന്നാ ചെയ്യുന്നേ?. കേശുപറഞ്ഞു ഞാന്‍ ഇപ്പോള്‍ കാലിക്കറ്റ് യൂണിവേഴ്‌സിറ്റിയില്‍ ഇംഗ്ലീഷ് പ്രൊഫസറായി വര്‍ക്ക് ചെയ്യുകയാണ്. അപ്പോള്‍ ടീച്ചര്‍ കേശുവിന്റെ ആദ്യ ഇംഗ്ലീഷ് പഠനത്തെ ഓര്‍ത്തു. ഗുഡ്‌മോണിങ്ങ്.

posted by ജിഎച്ച്എസ്എസ്  on 21 July 11 at 04:43 AM

പണ്ട് ഭൂമിയില്‍ വെള്ളപ്പൊക്കത്തിന് മുന്നറിയിപ്പ് നല്‍കിയ ദൈവം നല്ലവനായ നോഹയെയും

അവന്റെ സന്തതി പരമ്പരയ്ക്കായി ഭാര്യയെയുംലോകത്തിലെ
മൊത്തം ഒരു ജോഡി ജന്തുക്കളെയും, സസ്യങ്ങളെയും ഒരു വലിയ കപ്പലിലാക്കി വെള്ളപ്പൊക്കം
കഴിയുന്നതുവരെ സംരക്ഷിച്ച കഥ ഉണ്ണക്കുട്ടനറിയില്ല.
അതിനും വളരെ പണ്ട് നീതീമാനായ ഒരു രാജാവിനെ മത്സ്യാവതാരത്തില്‍ വന്നു
വെള്ളപ്പൊക്കത്തില്‍ നിന്നും രക്ഷിച്ച കഥ ഉണ്ണിക്കുട്ടനറിയില്ല.
വലിയൊരു മഴ പെയ്യുമ്പോള്‍ റോഡിന്റെ ഇരുവശത്തെയും വെള്ളച്ചാലുകള്‍ നിറഞ്ഞ്
ഒരാള്‍പൊക്കത്തില്‍ കയറുകയും അത് അഞ്ചര സെന്റ് സ്ഥലത്ത്-
വീര്‍പ്പുമുട്ടി നില്‍ക്കുന്ന രണ്ടുനിലവീട്ടിലേക്ക് തള്ളിക്കയറി വരുന്നതാണ് ഉണ്ണിക്കുട്ടന്
വെള്ളപ്പൊക്കം.
          ഇന്ന് പെയ്ത കനത്ത മഴയുടെ നാശനഷ്ടങ്ങള്‍ വിലയിരുത്തിക്കൊണ്ട് ചാനല്‍
മാറ്റിക്കളിക്കുന്ന അച്ഛന് നാളെയും അവധി ഉണ്ടോ എന്നറിയാനാണു
തിടുക്കം. ആറുമണി സീരിയില്‍ നഷ്ടപ്പെട്ട മുഖകനത്തോടെ അമ്മയും മുത്തശ്ശിയും
ജീവിതത്തിലാദ്യമായി ഒന്നിച്ച് വിഷമിച്ചിരിക്കുമ്പോള്‍ഉണ്ണിക്കുട്ടന് അറിയേണ്ടത് നാളെ
 സ്കൂളുണ്ടോ എന്നു തന്നെയാണ്
          ഉമ്മറത്തേക്കിറങ്ങി പെയ്തവസാനിക്കുന്ന മഴയോട്  ഇനിയും, ഇനിയും എന്ന്
വലിയ വായില്‍ ആവര്‍ത്തിച്ചുകൊണ്ട് ഉണ്ണിക്കുട്ടന്‍ മഴവെള്ളത്തില്‍
കടലാസുതോണിയിട്ടുകൊണ്ട്, അതിന്റെ പോക്കുംനോക്കിക്കൊണ്ടിരുന്നു.
          അകത്ത് ഒരു കൊമേഴ്സ്യല്‍ ബ്രേക്കിന്റെ ആലസ്യത്തിലിരിക്കുന്ന അച്ഛന്റെ
കൈയ്യില്‍ നിന്നും റിമോര്‍ട്ട് തട്ടിയെടുത്ത അമ്മ
പുരാണസീരിയലിലേക്കു തിരിഞ്ഞ് മത്സ്യാവതാരമായോ എന്ന ആകാംക്ഷയോടെ ആ
ചാനലിലെയും കൊമേഴ്സ്യല്‍ ബ്രേക്ക് കഴിയുവാനായി കാത്തിരിക്കുന്നു.
ഉണ്ണിക്കുട്ടനിലേക്ക്……
          അവന്‍ ഒഴുക്കിയ ചെറിയ കടലാസു വഞ്ചികള്‍ ദൈവത്തിന്റെ കപ്പലുകളോ മറ്റോ
ആയിരുന്നില്ല.മറിച്ച് ഹാരിപോട്ടറും ബെല്‍ട്ടണും മറ്റും നയിക്കുന്ന
അസാമാന്യ അത്യാധുനിക അന്തര്‍വാഹിനികളായിരുന്നു. ആ കപ്പലുകളെല്ലാം മുങ്ങിയപ്പോള്‍
ഉണ്ണിക്കുട്ടന്‍ പുതിയൊരെണ്ണം ഉണ്ടാക്കി വെള്ളത്തിലേക്കിട്ടു.
അതിന്റെകപ്പിത്താന്‍ അവന്‍ തന്നെയായിരുന്നു.
           ശത്രുക്കളുടെ വരവിനനുസരിച്ച് കപ്പല്‍ മുങ്ങുകയും താഴുകയും ചെയ്തപ്പോള്‍ ,
ഹാരിപോട്ടറെയും ബെല്‍ട്ടണെയും രക്ഷിക്കാനുള്ള ഭാരിച്ച
ഉത്തരവാദിത്വം ഏറ്റെടുത്തുകൊണ്ട് ഉണ്ണിക്കുട്ടന്‍ എന്ന ധീരനായ കപ്പിത്താന്‍ തന്റെ ജൈത്രയാത്ര
തുടങ്ങി.  കപ്പലിന്റെ വഴിയില്‍ തടസമായി നില്‍ക്കുന്ന
മാക്രികളെയും , ചെറുകല്ലുകളെയും തന്റെ മാന്ത്രിക ദണ്ഡുകൊണ്ട് വകവരുത്തി ഉണ്ണിക്കുട്ടന്‍
ജൈത്രയാത്ര തുടരുന്നു…….
           വീണ്ടും കനം പിടിച്ച മഴ കപ്പലിനെ മുക്കുന്ന സ്ഥിതിയായപ്പോള്‍ ഉമ്മറത്തേക്ക്
കയറുന്ന വെള്ളത്തെക്കുറിച്ചോര്‍ക്കാതെ ഉണ്ണിക്കുട്ടന്‍ കടലിലേക്ക്
എടുത്തുചാടുകയും തന്റെ കപ്പലിനെ ഇരുകാലുകൊണ്ട് മാറിമാറി സംരക്ഷിക്കുകയും ചെയ്തു.
കപ്പലടുക്കുന്ന തീരത്തുനിന്നും കണ്ടെടുക്കാവുന്ന നിധികളെയും
മറ്റും എങ്ങനെ കപ്പലില്‍ കയറ്റി തിരികെ നാട്ടിലെത്തിക്കാം എന്ന ചിന്ത മാത്രമായിരുന്നു
ഉണ്ണിക്കുട്ടന്റെ മനസിലപ്പോള്‍ അവന്‍ പതുക്കെ ഹാരിപോട്ടറെയും
ബെല്‍ട്ടണെയും മറന്നു.നിധികൈക്കലാക്കുമ്പോള്‍ അവര്‍ തടസം  നിന്നാലോ? അതിന്റെ പങ്ക്
അവര്‍ക്കും കൊടുക്കേണ്ടി വരില്ലേ?
           ഇതെല്ലാ മാണിപ്പോള്‍ ഉണ്ണിക്കുട്ടന്റെ ചിന്ത അങ്ങനെയാണെങ്കില്‍ അവരെ
നേരിടാന്‍  ‘s’  ആക്യതിയിലുള്ള ഒരു കത്തിസൂക്ഷിച്ചിട്ടുണ്ട്.
ആ കത്തി മാത്രം പോരാ , തോക്കുകളും ബോംബുകളും സംഘടിപ്പിക്കണം. അല്ലെങ്കില്‍ കുറച്ച്
കൊട്ടേഷന്‍ പാര്‍ട്ടികളെ കൂട്ടുപിടിച്ചാലോ? വേണ്ട,
അത് പിന്നീട് പാരയാകും കാലിനു താഴെ കനം വെച്ചു വരുന്ന ഉണ്ണിക്കുട്ടന് പേടിക്കേണ്ട അവന്‍
കപ്പിത്താനാണ് . ഗെയ്റ്റു കടന്ന് താഴെ
ആഴക്കടലിലേക്ക് മുങ്ങിയ കപ്പലിനെ രക്ഷിക്കാനുള്ള മാന്ത്രിക ദണ്ഡും നഷ്ടപ്പെട്ടപ്പോള്‍ ഉണ്ണിക്കുട്ടന്‍
സ്വയം അതിലേക്കെടുത്തു ചാടി.
ഒരു കൈകൊണ്ട് തന്റെ കപ്പലിനെ രക്ഷിച്ച ഉണ്ണിക്കുട്ടന്‍ മറ്റേ കൈകൊണ്ട് നീര്‍ക്കോലികളെയും
മാക്രികളെയും ശരിപ്പെടുത്തേണ്ടിവന്നു.
 അപ്പോള്‍ മാത്രമാണ് നിധിയുടെ പങ്ക് ബെല്‍ട്ടണും ഹാരിപോട്ടര്‍ക്കും കൊടുക്കാമായിരുന്നു എന്ന്
ഉണ്ണിക്കുട്ടന്‍ ചിന്തിച്ചത്. ഉണ്ണീക്കുട്ടനും
കപ്പലും അടിഞ്ഞ തീരം…….
    മത്സ്യാവതാരം രാജാവിനെ രക്ഷിച്ച സന്തോഷത്തേക്കാളേറെ ചാനലുകള്‍ വലിച്ചു
നീട്ടാതെ ഈ എപ്പിസോഡില്‍തന്നെ തീര്‍ത്തു.
എന്ന ആശ്വാസത്തോടെ റിമോര്‍ട്ട് അച്ഛനു കൈമാറിയ അമ്മ നാളത്തെ അവധിയുടെ ഫ്ലാഷ്
ന്യുസിനായി കാത്തിരുന്നു.
ആ ന്യുസിനോടൊപ്പം വെളളച്ചാലില്‍പെട്ട് “മരിച്ച കുട്ടിയുടെ ജഢം കണ്ടെടുത്തു”. എന്ന താഴെ
ചലിക്കുന്ന വാര്‍ത്ത അവര്‍ക്കു
തീര്‍ത്തും അപ്രധാനമായിരുന്നു.
        അവധിയുടെ കാര്യം അറിയിക്കുവാനായി  മകനെ തിരഞ്ഞ അമ്മയും പീന്നിട്
അച്ഛ്നും അങ്ങനെ മറ്റെല്ലാവരും ഉണ്ണിക്കുട്ടന്‍
അടിഞ്ഞ തീരത്തെക്കുറിച്ച് ഓര്‍ത്തതേയില്ല.
    അവസാനം ആ തീരത്തേക്ക് അവരെത്തിച്ചേര്‍ന്നപ്പോള്‍ ചാനലിന്റെ ലൈവ്
കോളത്തില്‍ കണ്ടെടുക്കപ്പെട്ട മൃതദേഹവും
അതിന്റെ വലത്തെ കൈയ്യില്‍ കുതിര്‍ന്ന ഒരു കടലാസുവഞ്ചിയും മാത്രമായിരുന്നു
ഉണ്ടായിരുന്നത്.
  നിധി എവിടെ? എന്നത് ഉണ്ണിക്കുട്ടനു മാത്രം അറിയാവുന്ന സത്യം