പാണഞ്ചേരി ഗ്രാമപഞ്ചായത്ത് പീച്ചി താമരവെള്ളച്ചാൽ ആദിവാസി കോളനിയിൽ ദളിത് കോൺഗ്രസ് ബൂത്ത് കമ്മിറ്റിക്ക് രൂപം നൽകി. പഞ്ചായത്ത് മെമ്പറും ദളിത് കോൺഗ്രസ് ബ്ലോക്ക് സെക്രട്ടറിയുമായ ഇ എം മനോജ് ചടങ്ങിൽ അധ്യക്ഷത വഹിച്ചു. പാണഞ്ചേരി ഗ്രാമപഞ്ചായത്ത് പ്രതിപക്ഷ നേതാവ് ബാബു തോമസ് യോഗം ഉദ്ഘാടനം ചെയ്തു. ദളിത് കോൺഗ്രസ് ജില്ലാ സെക്രട്ടറി കെ എ ഗോപാലൻ മുഖ്യപ്രഭാഷണം നടത്തി.
താമരവെള്ളച്ചാൽ ദളിത് കോൺഗ്രസ് ഭാരവാഹികളായി പ്രസിഡണ്ട് സദാനന്ദൻ, സെക്രട്ടറി കൊച്ചു മാത്തു, ട്രഷറർ മാധവൻ ഐചൂട്ടിൽ തുടങ്ങിയവരെ തിരഞ്ഞെടുത്തു.
യോഗത്തിൽ മണ്ഡലം കോൺഗ്രസ് ജനറൽ സെക്രട്ടറി എം കെ അയ്യപ്പൻ ജോസ് ചുങ്കത്ത് തുടങ്ങിയവർ സംസാരിച്ചു.
