പാണഞ്ചേരി ഗ്രാമപഞ്ചായത്ത് ഭരിക്കുന്നത് കോണ്‍ഗ്രസ് പാര്‍ട്ടിയാണ്.

കേന്ദ്രം ഭരിക്കുന്ന തങ്ങളുടെ തന്നെ കോണ്‍ഗ്രസ് സര്‍ക്കാരിന്റെ

ഭാരത്‌നിര്‍മ്മാണ്‍ പദ്ധതിയുടെ പ്രഖ്യാപിത ലക്ഷ്യങ്ങളെന്തെന്ന്

കോണ്‍ഗ്രസിന്റെ അംഗങ്ങള്‍ക്കും സ്ഥലം എംഎല്‍ എക്ക് പോലുമറിയില്ല!!!

2 ഭാരത്‌നിര്‍മ്മാണ്‍ പദ്ധതിയിലൂടെ കോടികളുടെ ഫണ്ട് പാഴാക്കുമ്പോള്‍ തന്നെ പാണഞ്ചേരി ഗ്രാമപഞ്ചായത്തിലെ ആശാരിക്കാട് ഗ്രാമശ്രീ നഗര്‍ വെള്ളച്ചാല്‍ റോഡിന്റെ അവസ്ഥ അതീവ പരിതാപകരം. മണ്ണിട്ട് നിരത്തി റോഡ് നിര്‍മ്മിച്ചിട്ട് നാല് പതിറ്റാണ്ട് പിന്നിടുകയാണ്. ഒരു കിലോ മീറ്റര്‍ ദൂരമുള്ള ഈ പഞ്ചായത്ത് റോഡിന് നാല് പതിറ്റാണ്ടിനുള്ളില്‍ 10 വര്‍ഷം മുമ്പ് ഒല്ലൂക്കര ബ്ലോക്ക് പഞ്ചായത്ത് ഫണ്ട് അനുവദിച്ചിരുന്നു.അതുപയോഗിച്ച് റോഡിന്റെ വീതി എട്ട് മീറ്ററാക്കി യെന്നല്ലാതെ ടാര്‍ ചെയ്യുന്നതിനുള്ള നടപടിയുണ്ടായതേയില്ല.

റോഡെന്ന് വിളിക്കപ്പെടുന്ന വഴിയില്‍ കല്ലുകളും കുഴികളുമല്ലാതെ മറ്റൊന്നും അവശേഷിക്കുന്നില്ല. ഇക്കാലമത്രയായിട്ടും ഈ വഴി ഗതാഗതയോഗ്യമാക്കില്ലെന്നതിലല്ല; നടക്കാവുന്ന അവസ്ഥയെങ്കിലും സൃഷ്ടിക്കപ്പെട്ടില്ലെന്നതിലാണ് ജനങ്ങള്‍ക്ക് പരിഭവം. ഗതാഗതയോഗ്യമല്ലാത്ത റോഡ് കര്‍ഷക ഗ്രാമമായ ആശാരിക്കാടിന് തീരാദുരിതമാണ് സമ്മാനിക്കുന്നത്. തങ്ങളുടെ കാര്‍ഷികവിളകള്‍ ചന്തയിലെത്തിക്കുകയെന്നത് തീര്‍ത്തും ശ്രമകരമാണ്.

കേന്ദ്ര സര്‍ക്കാരിന്റെ സ്വപ്ന പദ്ധതിയാണ് ഭാരത്‌നിര്‍മ്മാണ്‍. ഭാരത്‌നിര്‍മ്മാണ്‍ പദ്ധതിയുടെ (2005 – 09) ആദ്യപകുതി 10 -ാം പഞ്ചവത്‌സരപദ്ധതിയിലായിരുന്നു. രണ്ടാം പകുതി (2007 – 12) 11 -ാം പദ്ധതിയിലുള്‍പ്പെടുത്തി. ചെറുകിട ജലസേചന പദ്ധതികള്‍, കുടിവെള്ളം, വൈദ്യുതീകരണം, റോ ഡുകള്‍, ഭവനനിര്‍മ്മാണം, ടെലിഫോണ്‍ എന്നിവ പദ്ധതികളുള്‍പ്പെടുത്തിയാണ് ഇന്ത്യയുടെ ഗ്രാമ ങ്ങളുടെ വികസനം ലക്ഷ്യമിട്ട് ഭാരതനിര്‍മ്മാണ്‍ പദ്ധതിക്ക് യുപിഎ സര്‍ക്കാര്‍ തുടക്കം കുറിച്ചത്. പ്രധാനമന്ത്രി ഗ്രാമീണ സഡ്ക്ക് യോജന (പി.എം.എസ്.വൈ) എന്ന പേരിലറിയിപ്പെടുന്ന ഗ്രാമീണ റോഡ് വികസന പദ്ധതികളുടെ 14,6185 കിലോമീറ്റര്‍ ഗ്രാമീണ റോഡുകളുടെ നിര്‍മ്മാണമാണ് ലക്ഷ്യമിടുന്നത്. 1.94 ലക്ഷം കിലോമീറ്റര്‍ ഗ്രാമീണ റോഡുകള്‍ ഗതാഗത യോഗ്യമാക്കുകയെന്നതും പദ്ധതിയുടെ ഭാഗമാണ്.

11-ാം പഞ്ചവത്‌സര പദ്ധതിയില്‍ പി.എം.എസ്.വൈ പദ്ധതിയ്ക്കായി 16,500 കോടി വായ്പയെടുത്തു. ഇതിനും പുറമെ 43,27.07 കോടി കേന്ദ്രവും മാറ്റിവച്ചു. അതായത് 11-ാം പഞ്ചവത്‌സര പദ്ധതിയില്‍ (2007 – 12) ഗ്രാമീണ േറാഡ് വികസനത്തിനായി കേന്ദ്രസര്‍ക്കാര്‍ 59,751 കോടിയുടെ ഫണ്ട് അനുവദിച്ചു. എന്നാല്‍ ഈ ഫണ്ട് തരപ്പെടുത്തി കേരളത്തിന്റെ ഗ്രാമീണ റോഡുകള്‍ ഗതാഗതയോഗ്യമാക്കുന്നതില്‍ പഞ്ചായത്ത്‌രാജ് സ്ഥാപനങ്ങള്‍ ദയനീയമായി പരാജയപ്പെടുന്നുവെന്നതിന്റെ ഉദാഹരണങ്ങളിലൊന്ന് മാത്രമാണ് ആശാരിക്കാട് ഗ്രാമീണ റോഡ്. പാണഞ്ചേരി ഗ്രാമപഞ്ചായത്ത് ഭരിക്കുന്നത് കോണ്‍ഗ്രസ് പാര്‍ട്ടിയാണ്. കേന്ദ്രം ഭരിക്കുന്ന തങ്ങളുടെ തന്നെ കോണ്‍ഗ്രസ് സര്‍ക്കാരിന്റെ ഭാരത്‌നിര്‍മ്മാണ്‍ പദ്ധതിയുടെ പ്രഖ്യാപിത ലക്ഷ്യങ്ങളെന്തെന്ന് കോണ്‍ഗ്രസിന്റെ അംഗങ്ങള്‍ക്കും സ്ഥലം എംഎല്‍ എക്ക് പോലുമറിയില്ല!!!

പട്ടിക്കാട് പീച്ചി റോഡ് ജംഗ്ഷന് എതിര്‍വശത്ത് ഓര്‍ത്തോഡോക്‌സ് ബസേലിയസ് ചര്‍ച്ചി (കരിപ്പ്കുന്ന്) ന്റെ ഉടമസ്ഥതയിലുള്ള 60 സെന്റ് നെല്‍പ്പാടം മണ്ണിട്ടു നികത്തി. കരിപ്പ്കുന്ന് ചര്‍ച്ചിന്റെ തന്നെ ഉടമസ്ഥതയിലുള്ള എം.ജി.എം ഷോപ്പിങ്ങ് കോപ്ലംക്‌സിന് പിറകിലാണ് മണ്ണിട്ട് നികത്തിയിട്ടുള്ളത്. ശനി, ഞായര്‍ ഒഴിവ് ദിവസങ്ങളില്‍ രാത്രിയും പകലുമാണ് ഭൂമി നികത്തിയത്. ഭൂമി നികത്തുന്നതിനെതിരെ ആക്ഷേപങ്ങള്‍ ഉയരുവാനിടയുണ്ടെന്ന് അറിഞ്ഞതുകൊണ്ടാണത്രേ അധികമാരുടേയും ശ്രദ്ധയില്‍പ്പെടാതിരിക്കുവാന്‍ ഒഴിവുദിനങ്ങളിലാണ് മണ്ണിട്ട് നികത്തിയത്.ചര്‍ച്ച് ചെമ്പൂത്തറ സ്വദേശിയില്‍ നിന്നാണ് കൃഷിയിറയ്ക്കാതെ കിടന്നിരുന്ന വയല്‍ വാങ്ങിയത്. വില്ലേജ് രേഖ പ്രകാരം ഭൂമി വയലാണ്. നെയല്‍വയല്‍ തണ്ണീര്‍തട നിയമവ്യവസ്ഥകള്‍ക്ക് വിരുദ്ധമായാണ് വയല്‍ നികത്തിയതെന്നുള്ള വ്യാപകമായ ആക്ഷേപമുണ്ട്. പഞ്ചായത്ത് ഭരണസമിതിയുടെയും റവന്യൂ അധികൃതരുടെയും മറ്റും ഒത്താശയോടെയാണത്രേ വയല്‍ നികത്തിയത്.

 നികത്തിയ ഭൂമിയില്‍ ഡി അഡിക്ഷന്‍, കൗണ്‍സിലിങ്ങ്, പ്രീ-മാരേജിങ്ങ് കൗണ്‍സിലിങ്ങ്, കണ്‍വെന്‍ഷന്‍ സെന്ററുകളടങ്ങുന്ന ബഹുനില മന്ദിരം പണിയുന്നതിനാണ് ഭൂമി നികത്തിയിട്ടുള്ളത്. അധികാര കേന്ദ്രങ്ങളില്‍ സ്വാധീനമുപയോഗിച്ച് ഏതു നിയമവും ലംഘിക്കാമെന്നുള്ളതിന്റെ പട്ടികയില്‍ ഇതു കൂടി സ്ഥാനം പിടിച്ചിരിക്കുന്നു.
posted by on on 03 February 12 at 03:20 PM