കലാഭവൻ സതീഷ് അനുകരണകലയിലെ പുത്തൻ പ്രതിഭ

 

പാണഞ്ചേരി ഗ്രാമപഞ്ചായത്തിന്റെ അഭിമാനമായി മാറിയ അനുകരണ കലാപ്രതിഭയെക്കുറിച്ചൊരു കുറിപ്പ്

നുകരണകല ആസ്വാദനത്തിന്റെ പുതിയ ഉയരങ്ങൾ കീഴടക്കുകയാണ്.ഒപ്പം ഈ കലാരംഗത്ത്  പുത്തൻ താരോദയങ്ങളുടെ നീണ്ട നിര. അനുകരണ കലയിൽ ഇത് നൂതന പരീക്ഷണങ്ങളുടെ കാലം. പുതുപുത്തൻ പരീക്ഷണങ്ങളിലൂടെ  അനുകരണകലയെ ആസ്വാദക വൃന്ദത്തിന്റെ അഭിരുചിക്കൊപ്പം കൂട്ടികൊണ്ടുവരുന്നതിൽ അനിഷേധ്യ സ്ഥാനം അടയാളപ്പെടുത്തിയ ശ്രദ്ധേയനായ ഒരു കലാകാരനുണ്ട്. അത് മറ്റാരുമല്ല കലാഭവൻ സതീഷ്.

തൃശൂർ പാണഞ്ചേരി ഗ്രാമപഞ്ചായത്തിലെ ആല്പാറ സ്വദേശി. എളിയ കുടുംബത്തിലാണ് കലാഭവൻ സതീഷ് എന്ന പേരിൽ സെലിബ്രിറ്റിയായ മാറിയ പി വി സതിഷിന്റെ ജനനം. വേലായുധനും കുഞ്ഞുകുട്ടിയും മാതാപിതാക്കൾ. ഭാര്യ  ശ്രീകല . രണ്ടു മക്കൾ.ഋതുവർദ്ധനനും ദേവദത്തനും. ഇരുവരും വിദ്യാർത്ഥികൾ.

അനുകരണകലയിലെ ആദ്യ തലമുറ സിനിമാ ലോകത്ത് സാന്നിദ്ധ്യമറിയിക്കുന്നതിലാണ് ഊന്നൽ നൽകിയത്.  പക്ഷേ പരീക്ഷണ – പരിഷ്ക്കരണ സാധ്യതകളിലാണ് ഈ കലാരംഗത്തെ പുത്തൻ തലമുറയുടെ ശ്രദ്ധ. ഈ തലമുറയിലെ ഏറെ ശ്രദ്ധേയനാണ് എട്ടാം ക്ലാസ് മുതൽ അനുകരണകലക്കൊപ്പം സസൂക്ഷ്മം സഞ്ചരിച്ച സതീഷ്. ഹൈസ്ക്കൂൾ പഠനക്കാലത്തു തന്നെ സതീഷ് തന്റെ സർഗശേഷിയെ അനുകരണകലയിൽ ഇടം തീർത്തെടുക്കുന്നതിലേക്കാണ് വഴിതിരിച്ചുവിട്ടത്.

ആലത്തൂർ എസ്എൻ കോളേജ് പഠനകാലവും അനുകരണകലയുടെ പുതുപാഠങ്ങൾ കുറിക്കുവാൻ സതിഷ് വിനിയോഗിച്ചു. കാലിക്കറ്റ് സർവ്വകലാശാല സോൺതല മത്സരങ്ങളിൽ  അനുകരണകലയിലെ സതീഷിന്റെ പ്രാവീണ്യം അംഗീകരിക്കപ്പെട്ടു. കലാലയ പംന വേളയിൽ തന്നെ അനുകരണകലയുടെ പ്രൊഫഷണലിസത്തിലേക്ക് ഉയരാൻ കഴിഞ്ഞു സതീഷിന്.17-ാം വയസ്സിൽ തിരുവനന്തപുരം ഹൈ – മിമിക്സ് ട്രൂപ്പിലൂടെയായിരുന്നുയിത്. രണ്ടര വർഷത്തോളം ഇത് തുടർന്നു.

കുടുംബ ഉത്തരവാദിത്വം പക്ഷേ സ്വന്തമായ  ജോലി തരപ്പെടുത്തുകയെന്ന നിർബ്ബന്ധിതാവസ്ഥയിലെത്തിച്ചു. അതോടെ തിരുവനന്തപുരത്തെ ട്രൂപ്പുമായി തുടർന്നുപോകാനാവാതെ സ്വന്തം ജില്ലയിൽ ജോലി തേടുകയെന്നതായി. അപ്പോഴും കലാപ്രവർത്തനങ്ങളിൽ സജീവ സാന്നിധ്യമുറപ്പിക്കുന്നതിൽ പ്രത്യേക ഊന്നൽ. ഇതിന്റെ ഫലമായി കൊച്ചിൻ കലാഭവൻ മിമിക്രി ട്രൂപ്പിൽ അവസരം. മിമിക്രി കലാരംഗത്ത് പ്രതിഭകളെ വളർത്തിയെടുത്തിട്ടുള്ള കലാഭവനുമായുള്ള  പ്രൊഫഷണൽ ചങ്ങാത്തം മൂന്നുവർഷത്തോളം നീണ്ടുനിന്നു. കലാഭവൻ മണിയടക്കമുള്ള മിമിക്രി കലാരംഗത്തെ പ്രതിഭകളോടൊപ്പം  വേദികളിൽ നിറഞ്ഞാടാൻ കഴിഞ്ഞു. ഇതാകട്ടെ കലാഭവൻ സതീഷ് എന്ന പ്രൊഫഷണൽ കലാകാരന്റെ ഉയർച്ചയുടെ ഗ്രാഫ് മാറ്റിമറിച്ചു.

ആത്മവിശ്വാസത്തിന്റെ കൊടുമുടികളിലെത്തിയതോടെ ട്രൂപ്പ് മാറ്റം. മൂന്നു വർഷത്തോളം കൊച്ചിൻ നവോദയ മിമിക്സ് ട്രൂപ്പിൽ. പീന്നടങ്ങോട്ട് അനുകരണകയിലെ വൺമേൻ ഷോ പ്രകടനങ്ങളിലായിരുന്നു ഊന്നൽ.  ഉണ്ണി മേനോൻ, സ്റ്റീഫൻ ദേവസ്സി തുടങ്ങിയവർ നേതൃത്വം നൽകിയിരുന്ന ട്രൂപ്പിനോടൊപ്പം  വേദികളിൽ നടത്തിയ അനുകരണകലയുടെ വൺമേൻ ഷോ പ്രകടനങ്ങൾ  പ്രൊഷണൽ കലാകാരനെന്ന നിലയിൽ തനിക്ക് ഏറെ സംതൃപ്തി നൽകിയിരുന്നുവെന്ന് സതീഷ് പറയുന്നു. ഇതിനിടെ ഏഷ്യാനെറ്റ് ന്യൂസിന് വേണ്ടി കെ.വേണുവും  കെ.കെ.ശ്രീനിവാസനും നിർമ്മിച്ച അരമണിക്കൂർ  വാർത്താധിഷ്ഠിത പ്രോഗ്രാം കേരള സ്കാനിന്റെ വോയ്സ് ഓവറിലൂടെ സതീഷിന്റെ ശബ്ദം ടിവി പ്രേക്ഷകർക്ക് സുപരിചിതമായിയെന്നതും ശ്രദ്ധേയമായി.

അനുകരണകലയിലെ മികവ് തെളിയിച്ചതോടെ വിദേശ രാജ്യങ്ങളിലെ മലയാളി സദസ്സുകളുടെ വേദികളിലും കലാഭവൻ സതീഷ്  സാന്നിദ്ധ്യമറിയിച്ചു. ആദ്യമായി 2009 ൽ ഐഡിയ സ്റ്റാർ സിങർ ഗ്രൂപ്പിനൊപ്പം ദക്ഷിണാഫ്രിക്ക ബോട്സ്വാന മലയാളി അസ്സോസിയേഷന്റെ കലാവിരുന്നിൽ അനുകരണകലയിലെ ഒറ്റയാൾ പ്രകടനം കാഴ്ചവെച്ചു. തുടർന്ന് ഗൾഫ് രാഷ്ട്രങ്ങൾ യൂറോപ്പ്, ആസ്ട്രേലിയ, തെക്ക് – കിഴക്കനേഷ്യൻ രാജ്യങ്ങളിലും കലാപ്രകടനത്തിനുള്ള അപൂർവ്വ അവസരങ്ങൾ കൈവന്നു ഇന്ത്യയിൽ കശ്മീരിലൊഴികെ എല്ലാം സംസ്ഥാനങ്ങളിലും കലാപ്രകടനങ്ങൾ കാഴ്ചവച്ചിട്ടുണ്ട് . ഇതേ കാലയളവിൽ ഏഷ്യാനെറ്റ്,  കൈരളി, സൂര്യ തുടങ്ങിയ ചാനൽ ഷോകളിലും പങ്കെടുത്തു – സതീഷ് പറഞ്ഞു.

ഫ്ലവേഴ്സ് ടിവി ചാനലിലെ കോമഡി ഉത്സവത്തിൽ അനുകരണകലയിലെ നൂതന പരീക്ഷണത്തിന്റെ പ്രകടനം.  ഇതാണ് കലാഭവൻ സതീഷിനെ  പ്രശസ്തിയുടെ അടുത്ത പടവിലേക്ക് ഉയർത്തിയത്. 10 മിനിറ്റിനുള്ളിൽ 101 പ്രതിഭകളുടെ ശബ്ദാനുകരണ പ്രകടനത്തിലൂടെ സതീഷ് തന്റെ പ്രൊഫഷണലിസത്തിന്റെ ഗ്രാഫ് കുത്തനെ ഉയർത്തുകയായിരുന്നു. കലാ – കായിക – സാംസാക്കാരിക-സിനിമാ- രാഷ്ട്രീയ രംഗത്തെ 101 വ്യക്തിത്വങ്ങളുടെ ശബ്ദാനുകരണമെന്ന അതിശയിപ്പിക്കുന്ന റെക്കോർഡാണ് സതീഷ് അടയാളപ്പെടുത്തിയത്. സാമൂഹിക മാധ്യമങ്ങളിലിത് വൈറലായി. 60 ലക്ഷത്തിലധികം ജനങ്ങൾ ഈ കലാപ്രകടനം കണ്ട് ആസ്വദിച്ചു. അനുകരണ കലാസപര്യയിൽ ഒരു പുതുചരിത്രം സതീഷിന്റെ വക.

തിരുവനന്തപുരത്ത് ഫ്ലവേഴ്സ് ടിവി സംഘടിപ്പിച്ച  ഇന്ത്യൻ ഫിലിം അവാർഡ് – 2018 നൈറ്റിന്റെ ഭാഗയുള്ള കലാവിരുന്നിൽ ആയിരങ്ങളെ സാക്ഷിയാക്കി  101 വ്യക്തിത്വങ്ങളുടെ ശബ്ദാനുകരണമെന്ന തന്റെ തന്നെ റെക്കോഡ് സതീഷ് ഭേദിച്ചു.15 മിനിറ്റിനുള്ളിൽ കാണികൾ ആവശ്യപ്പെട്ട 202 വ്യക്തിത്വങ്ങളുടെ ശബ്ദാനുകരണ കലാപ്രകടനമെന്ന റെക്കോർഡാണ് കുറിക്കപ്പെട്ടത്. മോഹൻലാൽ, മജ്ജൂ വാര്യർ, ജയറാം തുടങ്ങിയ ചലച്ചിത്ര അതികായകരടക്കം പങ്കെടുത്ത ചടങ്ങിൽ അത്തരമൊരു അപൂർവ്വ അവസരം മികവോടെ ഉപയുക്തമാക്കുവാൻ സാധിച്ചുവെന്നു തന്നെയാണ് സതീഷ് വിശ്വസിക്കുന്നത്.

സ്റ്റേജ് പ്രകടനങ്ങളെക്കുറിച്ചുമുണ്ട് സതീഷിന് പറയാൻ. അർദ്ധ ആത്മവിശ്വാസത്തിലാണ് സ്റ്റേജിലെത്തുക. അത് പൂർണ്ണതയിലെത്തിക്കുന്നത് കാണികൾ ഉയർത്തുന്ന ആസ്വാദനത്തിന്റെ ആർപ്പുവിളികൾ. അംഗീകാരത്തിന്റെ അളവുകോലാണ് ആർപ്പുവിളികൾ. ഗുണമേന്മയാർന്ന ശബ്ദ ക്രമീകരണവും പ്രകടനങ്ങളുടെ മാറ്റ് വർദ്ധിപ്പിക്കും. പ്രോഗ്രാമിൽ അഗ്ലീല പദപ്രയോഗങ്ങൾ, മറ്റുള്ളവരെ വേദനിപ്പിക്കൽ / കളിയാക്കൽ ഇവയെല്ലാം പൂർണ്ണമായും ഒഴിവാക്കുന്നതിൽ  പ്രത്യേകം ശ്രദ്ധിക്കുന്നുണ്ടെന്ന് സതീഷ്.

കലാഭവൻ മണിയുടെ സ്മരണാർത്ഥമുള്ള യങ് ടാലന്റ് അവാർഡും സതീഷിനെ തേടിയെത്തി. ചലച്ചിത്ര പ്രവർത്തകരായ സിദ്ദിഖ്, സുന്ദർദാസ് ,കെ എസ് പ്രസാദ് എന്നിവരടങ്ങിയ ജൂറിയാണ് സതീഷിനെ അവാർഡിനായി തെരഞ്ഞെടുത്തത്. പരസ്യചിത്ര – സിനിമാ ഡബ്ബിങ് രംഗത്തും സതീഷുണ്ട്. സപ്തമ ശ്രീ തസ്‌ക്കര ഹ: എന്ന സിനിമയിൽ പ്രിഥ്വ രാജ് ഉൾപ്പെടുള്ളവരുടെ തൃശൂർ ഭാഷാ സംഭാഷണങ്ങൾ ചിട്ടപ്പെടുത്തുന്നതിന്റെ മുഖ്യ ചുമതലക്കാരനായിരുന്നു.  കാനോലിബാന്റ് സെറ്റ് എന്ന സിനിമയിൽ പ്രധാനപ്പെട്ട കഥാപാത്രത്തെ അവതരിപ്പിക്കുവാനുള്ള തയ്യാറെടുപ്പിലാണ് സതീഷ്.

https://m.facebook.com/story.php?story_fbid=1777931988919116&id=780388532006805.

 

 

 

Dr.SASI web

                                                                                                                                               കടപ്പാട് : ജനനി 

ഡോ. കെ.കെ. ശശിധരന്‍/Dr. KK  Saseedharan  PhD (JNU)                 

വികലമായ ഭാഷയില്‍ പടച്ചുവിടുന്ന പ്രതികരണങ്ങള്‍/കത്തുകള്‍ പ്രസിദ്ധീകരിക്കുന്നതിലൂടെ ഒരു അമേരിക്കന്‍ മലയാള ഇ-പത്രം സര്‍ഗശേഷിയുള്ള എഴുത്തുകാരെ പുലഭ്യം പറയുകയാണ്.ഇത് വിമര്‍ശിക്കപ്പെടേണ്ടതല്ലെന്നുണ്ടോ?

 മാധ്യമ ധര്‍മ്മത്തിന്റെ അകംപൊരുളറിയാതെയുള്ള മാധ്യമ പ്രവര്‍ത്തനത്തെ എന്ത് പേരുചൊല്ലി വിളിക്കണം? ഒരു അമേരിക്കന്‍ ഓണ്‍ലൈന്‍ മലയാള പത്രം (ഇ-പത്രം/E-paper) വായിച്ച് മനംമടുത്ത അമേരിക്കന്‍ മലയാളി സമൂഹമാണ് ഈ സമസ്യയ്ക്കുള്ള ഉത്തരം തേടുന്നത്. ആധുനിക ജനാധിപത്യ പ്രക്രിയയില്‍ മാധ്യമങ്ങളുടെ പങ്ക് ഇതിനകം തന്നെ കൃത്യമായി അടയാളപ്പെടുത്തിയിട്ടുണ്ട്. ഫോര്‍ത്ത് എസ്റ്റേറ്റ് എന്ന വിശേഷണമുള്ള മാധ്യമങ്ങള്‍ സാമൂഹിക നിര്‍മ്മിതിയുടെ ആണിക്കല്ലാണ്. രാഷ്ട്രീയ-സാമൂഹിക പ്രശ്‌നങ്ങള്‍ ചര്‍ച്ച ചെയ്യുന്നതിനും സാംസ്കാരിക വിനിമയ (exchange) – വ്യാപന (extension) ത്തിനുമുള്ള ശക്തമായ വേദിയെന്ന നിലയില്‍ മാധ്യമങ്ങള്‍ സദാ ജാഗരൂകരാണ്. ഇതാകട്ടെ ജനാധിപത്യത്തിന്റെ സമ്പുഷ്ഠീകരണത്തിന് അനിവാര്യമാണുതാനും.

നെല്ലും പതിരും വേര്‍തിരിച്ച് സമൂഹത്തെ മാറ്റത്തിന്റെ പാതയിലേറ്റുകയെന്ന സൃഷ്ട്യുന്മുഖമായ പങ്ക് വഹിക്കുന്നതിനാണ് മാധ്യമങ്ങള്‍ ഊന്നല്‍ നല്‍കേണ്ടത്. മുന്‍ചൊന്ന ഇ-പത്രം പക്ഷേ മാധ്യമ പ്രവര്‍ത്തനത്തിന്റെ മറവില്‍ സമൂഹത്തില്‍ തെറ്റായ സന്ദേശമാണ് വിക്ഷേപിക്കുന്നത്. ഇതിന്റെ പ്രതികരണ/കത്ത് പേജുകള്‍ അമേരിക്കന്‍ മലയാളി സമൂഹത്തില്‍ സ്പര്‍ധയുടെ കനല്‍ കോരിയിടുകയാണ്. പത്രാധിപരുടെ സാമൂഹിക-സാംസ്കാരിക-രാഷ്ട്രീയ അനുഭവങ്ങളുടെ ഉള്‍ക്കരുത്തിന്റെ പ്രതിഫലനമായിരിക്കണം പത്രം. ഇത്തരം അനുഭവങ്ങള്‍ പക്ഷേ ആര്‍ജിക്കാനായിട്ടില്ലെന്നതിന്റെ വികൃതമായ ചിത്രം തന്നെയാണ് ഈ ഇ-പത്രം! മാധ്യമ പ്രവര്‍ത്തനം നിര്‍മ്മാണോത്സുക (constructive) മായിരിക്കണം. അപനിര്‍മ്മാണ (deconstructive) മായിരിക്കരുത്. ഈ ഇ-പത്രത്തിന്റെ പ്രതികരണ/കത്ത് പേജുകളില്‍ പക്ഷേ അപനിര്‍മ്മാണത്തിന്റെ അസുരവിത്തുകളാണ് വാരിവിതറുന്നത്.

തനിക്ക് ഇഷ്ടമുള്ള എഴുത്തുകാരെ വാനോളം പുകഴ്ത്തുക. ഇഷ്ടമില്ലാത്ത എഴുത്തുകാരെ പരമാവധി ഇകഴ്ത്തുക. ഇത്തരം സങ്കുചിത വൈയക്തിക അജണ്ടകളുടെയും താല്പര്യങ്ങളുടെയും ബഹിര്‍സ്പുരണങ്ങളായി മാത്രം ഇ-പത്രത്തിലെ കത്തുകള്‍/പ്രതികരണങ്ങള്‍ തരംതാഴുന്നു. കൃത്യമായ മേല്‍വിലാസമില്ലാതെയുള്ള കത്തുകള്‍/പ്രതികരണങ്ങള്‍ മാധ്യമ പ്രവര്‍ത്തനത്തിന്റെ അകംപൊരുളറിയുന്ന പത്രാധിപര്‍ പ്രസിദ്ധീകരിക്കുകയില്ല. കത്തെഴുതുന്ന/പ്രതികരണമറിയിക്കുന്ന വ്യക്തിക്ക് താന്‍ സൂചിപ്പിക്കുന്ന/ഉന്നയിക്കുന്ന വിഷയങ്ങളില്‍ ഉത്തരവാദിത്തമുണ്ടെന്നു ബോധ്യപ്പെടുത്തല്‍ കൂടിയാണ് മേല്‍വിലാസമെന്നത്. കത്തെഴുതുന്ന/പ്രതികരിക്കുന്ന വ്യക്തിയുടെ വിശ്വാസ്യതയുടെ അളവുകോല്‍ കൂടിയാണ് മേല്‍വിലാസം. എന്നാല്‍ മേല്‍വിലാസമില്ലാതെയും അപരനാമത്തിലുള്ളതുമായ കത്തുകള്‍/പ്രതികരണങ്ങള്‍ പ്രസിദ്ധീകരിക്കപ്പെടുന്നിടത്ത് അളക്കപ്പെടുന്നത് ഈ ഇ-പത്രത്തിന്റെ നിലവാരമില്ലായ്മയും അരാഷ്ട്രീയതയും തന്നെയാണ്.

കൊടുങ്ങല്ലൂരമ്മ, അന്തപ്പന്‍, ആശാന്‍, വിദ്യാധരന്‍, ജാക്ക് ഡാനിയേല്‍, ഉടക്കുവാസു, കീരിക്കാടന്‍ തുടങ്ങിയ അപരനാമക്കാരായ കത്തെഴുത്തുകാരെ/പ്രതികരണക്കാരെ യഥേഷ്ടം വിഹരിക്കാന്‍ ഈ ഇ-പത്രം അനുവദിക്കുന്നു. ഈ അപരനാമക്കാരുപയോഗിക്കുന്ന ഭാഷയില്‍ തന്നെ പ്രകടമാണ് അവരുടെ സംസ്കാര ശൂന്യത! പത്രപ്രവര്‍ത്തനത്തിന്റെ ബാലപാഠവും പത്രധര്‍മ്മത്തിന്റെ അര്‍ത്ഥവും വ്യാപ്തിയും അറിയാന്‍ പ്രാപ്തിയില്ലാത്ത കേവലം നിഴല്‍യുദ്ധക്കാരന്‍ മാത്രമാണെന്നു കൂടി ഇത്തരം പ്രതികരണക്കാരിലൂടെയും കത്തെഴുത്തുക്കാരിലൂടെയും ഇ-പത്ര നടത്തിപ്പുകാര്‍ വ്യക്തമാക്കുന്നുണ്ട്.

പത്രാധിപര്‍ക്കുള്ള കത്ത്/പ്രതികരണമെന്നത് പത്രത്തിന്റെ ജനകീയതയുടെയും സ്വീകാര്യതയുടേയും വിശ്വാസ്യതയുടേയും പരിഛേദമാണ്. ഉത്തരവാദിത്തബോധത്തോടെയുള്ള ക്രിയാത്മകമായ കത്തുകള്‍ എഴുതുവാനും അയക്കുവാനുമുള്ള പരിസരം സൃഷ്ടിക്കേണ്ടത് പത്രം തന്നെയാണ്. അതില്‍ പത്രങ്ങള്‍ പരാജയപ്പെടുമ്പോഴാണ് കത്തുകളെന്ന/പ്രതികരണങ്ങളെന്ന പേരില്‍ അധിക്ഷേപ വാക്യങ്ങള്‍ നിറച്ചുള്ള അരാഷ്ട്രീയമായ കത്തുകള്‍ പത്രാധിപര്‍ക്ക് അയച്ചുകൊടുക്കുവാന്‍ വായനക്കാര്‍ ധൈര്യം കാണിക്കുന്നത്. വിശ്വാസ്യതയും ഉത്തരവാദിത്തബോധവും തൊട്ടുതീണ്ടാതെയുള്ള കത്തുകള്‍/പ്രതികരണങ്ങള്‍ പ്രസിദ്ധീകരിക്കപ്പെടുമെന്ന് ഉറപ്പുള്ളതുകൊണ്ടുമാത്രമാണ് വായനക്കാര്‍ ഇത്തരം കത്തുകളെഴുതാന്‍ ധൈര്യപ്പെടുന്നത്. പത്രാധിപര്‍ക്കുള്ള കത്ത്/പ്രതികരണം പത്രങ്ങളുടെ നിലപാടുകളെത്തന്നെ മാറ്റിമറിക്കുവാന്‍ ശേഷിയുള്ളവയാണ്. അതുകൊണ്ടുതന്നെയാണ് അവ പ്രത്യേകം പരിഗണിക്കപ്പെടുന്നത്. ഇത്തരമൊരു ബോധ്യപ്പെടല്‍ ഇ-പത്ര നടത്തിപ്പുകാര്‍ക്കില്ലാതെ പോയിരിക്കുന്നുവെന്നതാണ് അരാഷ്ട്രീയമായ കത്തുകള്‍/പ്രതികരണങ്ങള്‍ പ്രസിദ്ധീകരിക്കപ്പെടുന്നിടത്ത് സുവിദിതമാകുന്നത്.

മലയാള സാഹിത്യ ലോകം കടല്‍ കടന്ന് പ്രവാസ സാഹിത്യമെന്ന പേരില്‍ അറിയപ്പെടുന്നുവെന്നത് ശ്രദ്ധേയം. അമേരിക്കന്‍ മലയാളി സമൂഹത്തില്‍ സര്‍ഗശേഷി തെളിയിച്ച എഴുത്തുകാരുണ്ട്. അമേരിക്കന്‍ മലയാളി സാഹിത്യ മണ്ഡലത്തെ ചൊല്‍പടിയില്‍ നിര്‍ത്തിയിരിക്കുന്നത് പക്ഷേ സ്വയംപ്രഖ്യാപിത എഴുത്തുകാരാണ്. സര്‍ഗശേഷിയുള്ള എഴുത്തുകാരോടുള്ള കടുത്ത അസൂയ വച്ചുപുലര്‍ത്തുന്ന സ്വയംപ്രഖ്യാപിത എഴുത്തുകാരെ പ്രതിനിധാനം ചെയ്യുന്ന ഇ-പത്ര പത്രത്തിന്റെ നടത്തിപ്പുകാരന് മലയാള സാഹിത്യത്തിന്റെ വളര്‍ച്ചക്കും വികാസത്തിനും വഴിയൊരുക്കിയ വിമര്‍ശന/നിരൂപണ സാഹിത്യ ശാഖയെക്കുറിച്ച് ധാരണയുണ്ടാകാനിടയില്ല. ധാരണയുണ്ടായിരുന്നുവെങ്കില്‍ അപരനാമത്തിലെഴുതുന്ന സംസ്കാര ശൂന്യമായ കത്തുകള്‍/പ്രതികരണങ്ങള്‍ പത്രമെന്നവകാശപ്പെടുന്ന ഇ-പത്രത്തില്‍ ഇടംപിടിക്കുമായിരുന്നില്ല. Joseph_Mundasseri

കേസരി ബാലകൃഷ്ണ പിള്ള, പ്രൊഫ. മുണ്ടശ്ശേരി, കുട്ടികൃഷ്ണന്‍ മാരാര്‍ മുതല്‍ പേരിങ്ങോട്ട് വി.സി.ശ്രീജനും ബാലചന്ദ്രന്‍ വടക്കേടത്തും വരെയുള്ള നിരൂപണ/വിമര്‍ശന സാഹിത്യ വക്താക്കളാണ് മലയാള സാഹിത്യശാഖക്ക് ആരോഗ്യകരമായ വ്യാഖ്യാനങ്ങളിലൂടെയും തിരുത്തലുകളിലൂടെയും ഓജസ്സും തേജസ്സും നല്‍കിയതും നല്‍കുന്നതും. കൃതിയുടെ ഇതിവൃത്തം, പ്രമേയം, പരിസരം, കഥാപാത്രങ്ങള്‍, അപഗ്രഥനം, ഭാഷാസൗന്ദര്യമടക്കമുള്ള രചനാരീതികള്‍, പരിസമാപ്തി തുടങ്ങിയവയിലൂന്നികൊണ്ടായിരിക്കണം കൃതികള്‍ നിരൂപണ വിധേയമാക്കപ്പെടേണ്ടതും വിമര്‍ശിക്കപ്പെടേണ്ടതും. ഇതിനു പക്ഷേ കെല ്പുള്ളവരാണ് ഇ-പത്രത്തിലെ അപരനാമക്കാരായ കത്തെഴുത്തുകാര്‍/പ്രതികരണക്കാരെന്ന് കരുതാനേയാകില്ല. ഈ കെല ്പ് ആര്‍ജിക്കണമെങ്കില്‍ അനുഭവങ്ങളുണ്ടാകണം. നിരീക്ഷണ പാടവമുണ്ടാകണം. ആഖ്യാന-വ്യാഖ്യാന ശേഷിയുണ്ടാവണം. ഇതൊല്ലാം പക്ഷേ ഈ ഇ-പത്രത്തിന് അന്യമാണെങ്കിലും വികലമായ ഭാഷയില്‍ പടച്ചുവിടുന്ന പ്രതികരണങ്ങളിലൂടെയും കത്തുകളിലൂടെയും സ്വകീയ സര്‍ഗാത്മകതയെ ഊതിക്കാച്ചിയെടുക്കുവാന്‍ നിരന്തരം പ്രയത്‌നിക്കുന്ന എഴുത്തുകാരെ പുലഭ്യം പറയണമെന്ന നിര്‍ബന്ധബുദ്ധിയിലാണ് ഇ-പത്ര നടത്തിപ്പുകാര്‍. ഇത് വിമര്‍ശിക്കപ്പെടേണ്ടതല്ലെന്നുണ്ടോ?

വ്യക്തിഗത പ്രതികരണങ്ങള്‍ വിലമതിക്കത്തക്കതാണ്. താന്‍ വായിക്കുന്നതിനെക്കുറിച്ച് വിമര്‍ശിക്കുവാനും നിരൂപണം നടത്തുവാനുമുള്ള ഉത്തരവാദിത്തവും ചുമതലയുമുള്ളവരാണ് അനുവാചകര്‍. വായിക്കപ്പെടുന്നതുകൊണ്ടുമാത്രമാണ് സാഹിത്യം നിലനില്‍ക്കുന്നത്. അതേസമയം തന്നെ വായനക്കാരന്‍/ക്കാരി നിഷ്ക്രിയനായ സ്വീകര്‍ത്താവായിരിക്കരുത്. ക്രിയാത്മക മനോഗതിയില്‍ നിന്നാണ് സൃഷ്ടികള്‍ വായിക്കപ്പെടേണ്ടത്. അനുവാചക പ്രതികരണ സിദ്ധാന്തം (Readers Response Theory) പ്രകാരം അനുവാചകന്റെ സ്വകീയമായ മാനസിക വിക്ഷോഭങ്ങള്‍, ഉത്കണ്ഠകള്‍, ജീവിതാനുഭവങ്ങള്‍, അവബോധം ഇവയെല്ലാം തന്നെ താന്‍ വായിക്കുന്ന കൃതിയുമായി ഇഴപിരിച്ചെടുത്ത് ആത്മനിഷ്ഠമായ നിരൂപണമോ വിമര്‍ശനമോ നടത്താം. പ്രതിസ്പന്ദനത്തെ പക്ഷേ വക്രീകരണത്തിലേക്ക് വഴിതിരിച്ചുവിടുന്നുവെന്നത് അതിന്റെ പ്രസക്തിയെത്തന്നെ അപ്രസക്തമാക്കുമെന്ന തിരിച്ചറിവ് പ്രധാനം.

എഴുത്തുകാരില്‍ നിന്നും നാളെകളില്‍ പിറവിയെടുക്കാനിടയുള്ള രചനകള്‍ക്ക് കൃത്യമായ ദിശാബോധം നിര്‍ണ്ണയിക്കുന്നതില്‍ നിരൂപണവും വിമര്‍ശനവും ഒട്ടുമേ ചെറുതല്ലാത്ത പങ്ക് വഹിക്കുന്നു. കൃതിയായിരിക്കണം നിരൂപക/വിമര്‍ശകന്റെ ഭൂമിക. ആ ഭൂമികയിലൂടെ സസൂക്ഷ്മം സഞ്ചരിക്കുമ്പോള്‍ താനും സമൂഹത്തിന്റെ ഭാഗമാണെന്ന യാഥാര്‍ത്ഥ്യം നിരൂപകന്‍/വിമര്‍ശകന്‍ വിസ്മരിക്കരുത്. നിരൂപകന്/വിമര്‍ശകന് അവശ്യംവേണ്ട ഗുണങ്ങളിലൊന്നാണ് നിഷ്പക്ഷത. ഇതില്‍പോലും പക്ഷേ ഇഷ്ടാനിഷ്ടങ്ങള്‍ കടന്നുകൂടാം. ഒരുപറ്റത്തോട് ഇഷ്ടവും മറുപറ്റത്തോട് അനിഷ്ടവും കുത്തിനിറച്ചുള്ളതാവരുത് നിരൂപണവും വിമര്‍ശനവും. ഇതിനുപകരം ഈ അമേരിക്കന്‍ മലയാളി ഇ-പത്രം പക്ഷേ പ്രതിലോമപരമായ സമീപനമാണ് സ്വീകരിക്കുന്നത്. ഇതിലൂടെ ഇ-പത്രത്തിന്റെ പത്രാധിപരുടെ വിശ്വാസ്യതയും ബൗദ്ധികശേഷിയും തന്നെയാണ് കരിനിഴലിലകപ്പെടുന്നത്.

എഴുത്തുകാരനല്ല വിമര്‍ശിക്കപ്പെടേണ്ടത്. കൃതിയാണ് വിമര്‍ശിക്കപ്പെടേണ്ടതും നിരൂപണ വിധേയമാക്കപ്പെടേണ്ടതും. ഈ സാമാന്യ ജ്ഞാനം പോലുമില്ലാതെ അമേരിക്കയിലെ സ്വയംപ്രഖ്യാപിത മലയാളി എഴുത്തുകാരും സ്വയംപ്രഖ്യാപിത മാധ്യമ പ്രവര്‍ത്തകരും പരസ്പരം പുറം ചൊറിഞ്ഞുകൊടുത്തുള്ള ഒളിച്ചുകളിയാണ് ഇ-പത്രത്തിലെ കത്ത്/പ്രതികരണ പേജുകളില്‍ പ്രകടമാകുന്നത്. ഇപ്പോള്‍ മലയാളത്തിന് ശ്രേഷ്ഠഭാഷാ പദവി കൂടി കൈവന്നിരിക്കുന്നു. 1500 മുതല്‍ 2000 വര്‍ഷം വരെ പാരമ്പര്യം സിദ്ധിച്ച ഭാഷയെന്നതിന്റെ അടിസ്ഥാനത്തിലാണ് ശ്രേഷ്ഠഭാഷാ പദവി. ഇ-പത്രത്തിന്റെ അപരനാമക്കാരായ കത്തെഴുത്തുകാര്‍/പ്രതികരണക്കാര്‍ ഇഷ്ടമില്ലാത്തവരെ പുലഭ്യം പറയുവാനായി ശ്രേഷ്ഠഭാഷയെ ദുരുപയോഗം ചെയ്യുന്നുവെന്നത് വല്ലാത്തൊരു പാതകം തന്നെയാകും.

സാമൂഹിക-രാഷ്ട്രീയ-സാംസ്കാരിക മാറ്റങ്ങള്‍ക്ക് തിരികൊളുത്തുവാന്‍ ശേഷിയുള്ള സൃഷ്ടികളാണ് സര്‍ഗശേഷിയുള്ള എഴുത്തുകാരില്‍ നിന്ന് പിറവിയെടുക്കുക. മലയാളത്തിലെ ആദ്യ നോവലെന്ന് വിശേഷിക്കപ്പെടുന്ന ഒ.ചന്തുമേനോന്റെ ‘ഇന്ദുലേഖ’സ്ത്രീക്കുമേലുള്ള പുരുഷാധിപത്യ മനോഘടന തുറന്നുകാണിച്ച് സാമൂഹിക പരിവര്‍ത്തനത്തിന്റെ asanകണ്ണാടിയായി. ‘ചണ്ഡാലഭിക്ഷുകി’യിലൂടെ കീഴാള ജനതയുടെ സ്വത്വസംസ്ഥാപനമാണ് മഹാകവി ആശാന്‍ ഉന്നംവെച്ചത്. 40കളിലെ പുരോഗമന രാഷ്ട്രീയ പ്രത്യയശാസ്ത്ര പരിസരത്ത് ഉറവയെടുത്ത സൃഷ്ടികളില്‍ നിന്നുമുയര്‍ന്നതും സാമൂഹിക പരിവര്‍ത്തനത്തിന്റെ തുടികൊട്ടലുകള്‍ തന്നെ. ഇത്തരത്തിലുള്ള സാഹിത്യ സപര്യയിലൂടെയാണ് വര്‍ത്തമാനകാല മലയാള സാഹിത്യശാഖ വികാസം പ്രാപിക്കുന്നത്. പക്ഷേ പ്രൗഡോജ്വലമായ മലയാള സാഹിത്യശാഖാവികാസ പ്രക്രിയയില്‍ അമേരിക്കന്‍ സ്വയംപ്രഖ്യാപിത എഴുത്തുകാരുടെ സംഭാവന ഒട്ടുംതന്നെ ആശാവഹമല്ല. ഇങ്ങനെയുള്ള എഴുത്തുകാരെ വാനോളം പുകഴ്ത്താന്‍ ഈ ഇ-പത്രം അതിന്റെ പേജുകള്‍ ഉപയോഗിക്കുകയോ ദുരുപയോഗിക്കുകയോ ചെയ്യട്ടെ. സര്‍ഗശേഷിയുള്ള എഴുത്തുകാരെ പക്ഷേ പുലഭ്യം പറയുവാന്‍ പ്രതികരണങ്ങളെന്ന പേരില്‍ പടച്ചുവിടുന്നവ ഈ ഇ-പത്രത്തില്‍ പ്രസിദ്ധീകരിക്കപ്പെടുന്നത് പ്രതിഷേധാര്‍ഹമാണ്, ഖേദകരമാണ്. ഈ പുലഭ്യംപറച്ചലിന് ഒരറുതിയുണ്ടാകുമെന്ന് അമേരിക്കന്‍ മലയാളി സമൂഹത്തിന് പ്രതീക്ഷക്കുവാനാകുമോ? കാത്തിരുന്നുകാണുക.

 കടപ്പാട് : ജനനി മാസിക (issue: November 2013) an american malayali publication

KK Sreenivasan

The users of information technology are almost confined to urban areas. But, needless to say this state is being changed. The world has 1.8 billion internet users and India is in the fourth position recording 81 million users. According to the recent survey conducted by the Internet and Mobile Association of India (IAMAI), the 70 percentage of Indian population are in rural sector where the users of internet have been rising to 24 million from 12.1 million. The survey says that the rising number of Net users in the rural India is due to the growing awareness about the internet and easier access. It must be noticed the project, Sustainable Access in Rural India (SARI), as part of fast-tracking the penetration of internet use, has taken up the task to provide the facility of Public Access Internet Kiosks in rural India.

Another survey reveals that India expects 214 million broad band internet connections by 2014. India’s mobile user base has also recorded an outstanding growth of 45000 percentage from 1 million (1999) to 450 million (2009). Internet access on mobile phone has been an add-on to the total figure of internet users.  The government has spent close to US$40 million on providing 100Mbps fiber broadband connections to 250,000 villages across India, and the first 10,000 are expected to be online by the end of the year of 2013. Launching of the first online village news portal, www.panancherynews.com, will be an endeavour to become part of the same pace of the sea change.

Www.panacherynews.com, an online news portal exclusively for Pananchery Grama Panchayath in Thrissur district in the state of Kerala, aims to bring about a robust IT/internet culture at village level. The modules like student’s corner, citizen journalism, Pravassikal (NRIs/NREs), agriculture etc. are the main attractions of this local news portal in the vernacular language, Malayalam.

citizen journalism

The module of citizen journalism aims to stimulate the power of observation of villagers on their own surroundings and it is totally attributed to the people of our Grama Panchayath for citing their grievances/woes and reporting the news and events in their villages where they live. It would make sure that the voice of the villagers would be heard of by the concerned authority. And it would pave an increased bottom-up participation in the governance processes.

student’s corner

The module, student’s corner, is unique one.  As a dynamic platform to exchange and extend knowledge and information, panancherynews.com would promote the creativity of students by offering a vast space on web where their works will get published. I am sure that the panancherynews would be a promising add-on in moulding up the potential and vibrant student folk who is determinant to the future of our nation.

pravasikal

It has been estimated that about 5000 people from our Grama Panchayath have been working in Indian states and overseas including Middle East, America and Europe. Even though the numerous online news portals are there, they provide little space for the news and events taken place in villages. The panancherynews portal instilling nostalgic feelings and pulses would be an ample media to access daily news and events related to their own village where they born and bought up.

The Module for Pravassikal will track to the close affinity and intimacy of the Pravassikal with their own village. The panancherynews portal would also provide them (the Pravssikal from our Panchayath) a vast space to publish their works sketching out their better and bitter experiences derived from the lifecycle in abroad.

The module, Charity, is expected to be a channel to extending the philanthropic activities of the Pravassikal to their own village.

ariyippukal (information)

Relevant real-time information like commodity prices, local weather, agri news can also been accessed from the panancherynews as part of the farmers’ interest. Indeed, an agri-extension framework has been placed on this portal.

This local/rural level online news portal in vernacular language, www.panacherynews.com, is expected to be a strong tool in inculcating the tremendous scope of the Information and Communication Technologies (ICTs) among the rural folk. Its mission is to transform the Pananchery Grama Panchayath into a center of resource, knowledge and information by utilizing and disseminating the optimum scope of ICTs.

Our longing is to become part of transforming the rural landscape of Kerala by replicating the local online news portal like panancherynews in vernacular language in every grama panchayths in our state. Such drive would be a robust tool to pave a digital track in integrating the news and events being taken place in every village. And it would also be a direct link to make the policy/decision makers understand the demands and grievances/woes of the villagers who comprise 70 percent of the population.

Instrumental to Government

For achieving financial inclusion and economic growth, the Information and Communication Technology can play an important role by increasing effective access and improving delivery and governance in services. The key issue is how technology can be harnessed for improving the efficacy of the services with the minimal of the transaction costs involved. 833.5 million Persons live in rural areas as per Census 201. As the majority of the Indian population lives in rural areas, there is an urgent need to deliver services to them in a cost effective way with time-bound manner and assured quality.

Age-old administrative lethargy and procedural bottlenecks make inordinate delay in citing the issues/demands/woes of the rural people before the ultimate decision makers (ministers) and it is quite natural that results in public resentment against the government. A government which is very keen on retains the power in consecutive terms must not allow to raise such inauspicious political situation.

In this era of information, the local online news portal like panancherynews in vernacular language would be an innovative tool in cementing the healthy rapport between the government and the rural folk. It is also a virtuous platform to publicize the government programmes and governmental achievements, which are the determinant to bagging votes in the elections. Of course, outreach of the governmental achievements has a pivotal role in retaining power. Here the public exchequer, to a certain extent, could also save the cores of rupees being spent against the publicity focusing governmental achievements. Importantly, this powerful online tool needed to be used to integrate and consolidate the functions and events taken place in all Grama Panchayaths, launching an integrated rural online portal, 999.com ( there are 999 grama panchayths in Kerala). The portal, 999.com , is expected to be a great solution exchange platform among the Local Self Governments (LSGs) and the rural folk in Kerala.

Please log onto our own news portal www.panancherynews.com  for further details

http://www.panancherynews.com  the first online village news portal in india, launched on July 02, 2011

 പാണഞ്ചേരി ഗ്രാമപഞ്ചായത്ത് വൈസ് പ്രസിഡന്റ് ശകുന്തള ഉണ്ണികൃഷ്ണനെതിരെ ഇടതുപക്ഷം അവതരിപ്പിച്ച അവിശ്വാസപ്രമേയം പരാജയപ്പെട്ടു. 9 അംഗ ഇടതുപക്ഷ അംഗങ്ങളുടെ പിന്തുണയോടെ സ്വന്തം കക്ഷിയിലുള്‍പ്പെട്ടവര്‍ തന്നെ പ്രസിഡന്റ് പി.വി. പത്രോസിനെ അവിശ്വാസ പ്രമേയത്തിലൂടെ പുറത്താക്കിയിരുന്നു. എന്നാല്‍ പിന്നീട് നടന്ന പ്രസിഡന്റ് തെരഞ്ഞെടുപ്പില്‍ പേ്രതാസിനോടൊപ്പം സുഭദ്ര ശങ്കുണ്ണിനായര്‍, ബാബുതോമസ്, കെ.എ. ഗോപാലന്‍ എന്നിവര്‍ ഇടതു പ്രസിഡന്റ് സ്ഥാനാര്‍ത്ഥി കെ.വി. ജോസിന് വോട്ടു ചെയ്തതോടെ പഞ്ചായത്ത് ഭരണം യുഡിഎഫിന് നഷ്ടപ്പെട്ടു. വിശാല ഐ ഗ്രൂപ്പ് ഉമ്മന്‍ചാണ്ടി ഗ്രൂപ്പുകളുടെ മറവിലുള്ള രൂക്ഷമായ ചേരിപ്പോരാണത്രെ ഉമ്മന്‍ചാണ്ടിഗ്രൂപ്പുകാരന്നെന്നറിയപ്പെടുന്ന പത്രോസിനെ പുകച്ചുചാടിച്ചത്. 

പ്രസിഡന്റു സ്ഥാനം പിടിച്ചെടുക്കുവാന്‍ പിന്തുണച്ച പത്രോസും മറ്റു മൂന്നംഗങ്ങളും വൈസ് പ്രസിഡന്റിനേയും ക്ഷേമകാര്യ സ്റ്റാന്റിംഗ് കമ്മിറ്റി ചെയര്‍പേഴ്‌സനെയും പൊതുമരാമത്ത് സ്റ്റാന്റിംഗ് കമ്മിറ്റി ചെയര്‍മാനെയും അവിശ്വാസപ്രമേയത്തിലൂടെ പുറത്താക്കാമെന്ന് ഇടതുപക്ഷം കരുതി. ഇതേതുടര്‍ന്നായിരുന്നു മൂവര്‍ക്കുമെതിരെ അവിശ്വാസപ്രമേയം ഇടതുപക്ഷം അവതരിപ്പിച്ചത്. എന്നാല്‍, കണക്കുകൂട്ടല്‍ തെറ്റിച്ച് ഗോപാലനും ബാബുതോമസും പത്രോസ് പാളയത്തില്‍ നിന്ന് ശകുന്തള ഉണ്ണികൃഷ്ണന്‍ ചേരിയിലേക്ക് മാറിയതോടെയാകട്ടെ ശകുന്തളയ്ക്കും റോയ് ദേവസ്സിക്കുമെതിരെയുള്ള അവിശ്വാസപ്രമേയം തള്ളി. 22 അംഗ ഭരണസമിതിയില്‍ കേരള കോണ്‍ഗ്രസ് പ്രതിനിധിയടക്കം 12 പേര്‍ ശകുന്തളയ്ക്കും റോയിക്കുമെതിരെയുള്ള ഇടതുപക്ഷത്തിന്റെ അവിശ്വാസപ്രമേയത്തെ എതിര്‍ത്ത് വോട്ട് ചെയ്തപ്പോള്‍ പത്രോസും സുഭദ്ര ശങ്കുണ്ണിനായരും വിട്ടു നിന്നു. എന്നാല്‍ ശകുന്തളയ്ക്ക് ഒപ്പം നിന്ന ക്ഷേമകാര്യ സ്റ്റാന്റിങ്ങ് കമ്മിറ്റി ചെയര്‍പേഴ്‌സണ്‍ സുശീല രാജനെതിരെയുള്ള അവിശ്വാസപ്രമേയം പാസ്സാക്കപ്പെട്ടുവെന്നത് ശ്രദ്ധേയമായി. പത്രോസിനെ പുറത്താക്കാന്‍ പിന്തുണ സ്വീകരിച്ചവര്‍ തന്നെ സുശീലയെ സൗകര്യപൂര്‍വ്വം കയ്യൊഴിയുകയായിരുന്നുവെന്നതാണ് സുശീലയുടെ പരാജയം വ്യക്തമാക്കുന്നത്.

വ്യക്തി-സ്ഥാപിത താല്പര്യങ്ങള്‍ സംരക്ഷിക്കുവാനാകാതെ വരുമ്പോള്‍, ഗ്രൂപ്പ് രാഷ്ട്രീയത്തിന്റെ മറവില്‍ അധികാര സമവാക്യങ്ങളിലും അധികാര പങ്കിടലുകളിലും അടിമുടി ഉലച്ചലുകള്‍ പ്രത്യക്ഷപ്പെടുന്നു. പാര്‍ലമെന്ററി ജനാധിപത്യവ്യവസ്ഥയുടെ അപചയത്തിന്റെ ഉത്തമ ഉദാഹരണങ്ങള്‍ തന്നെയാണ് പാണഞ്ചേരി ഗ്രാമപഞ്ചായത്തില്‍ അരങ്ങേറികൊണ്ടിരിക്കുന്ന അധികാരത്തിനായുള്ള കസേരകളികള്‍.

posted by on on 22 June 11 at 09:08 AM
3 out of 5 stars
Rate this article

ഇ. സന്തോഷ്‌ കുമാര്‍

നീല, വെള്ള നിറങ്ങളിലുള്ള ചില കൊടികളെക്കുറിച്ചുള്ള കാര്യമാണ്. എന്നാലും `ഓ, കൊടികള്‍ !’ എന്നു പറഞ്ഞു നിസ്സാരമായി തള്ളിക്കളയാവുന്ന സംഗതിയല്ല. പട്ടിക്കാട് ഗവണ്‍മെന്റ് ഹൈസ്ക്കൂള്‍ ഹയര്‍ സെക്കന്ററിയൊക്കെയാക്കി ഉയര്‍ത്തുന്നതിനു മുന്‍പുള്ള കാലം. ആയിരത്തിത്തൊള്ളായിരത്തിത്തൊണ്ണൂറിനു മുന്‍പ് എന്നു കൃത്യമായി പറയാം. സ്കൂളുകളില്‍ കക്ഷിരാഷ്ട്രീയം അനുവദിച്ചിരുന്നു. അതുകൊണ്ടു തന്നെ സാധാരണ നിയമസഭാതിരഞ്ഞെടുപ്പുകള്‍ക്കൊക്കെ കാണുന്ന വീറും വാശിയും സ്കൂള്‍ ഇലക്ഷനുകളിലുണ്ടാവും. പുറത്തു നിന്നുള്ള ഇടപെടലുകള്‍ ധാരാളം. ഞങ്ങള്‍ അഞ്ചില്‍ പഠിക്കുന്ന കാലത്ത് (1979ല്‍) കത്തിക്കുത്തു വരെ ഉണ്ടായിട്ടുള്ളതായി ഓര്‍ക്കുന്നു. അത്രയ്ക്കും കടുത്ത മത്സരമാണ്. ജൂണ്‍, ജൂലൈ മാസങ്ങളിലാണ് ഈ തിരഞ്ഞെടുപ്പുകള്‍ നടക്കാറ്. അതിനു മുന്നോടിയായിട്ടാണ് കൊടികള്‍ നാട്ടുന്നത്.
പ്രധാനമായും രണ്ടു രാഷ്ട്രീയ കക്ഷികളാണ് വിദ്യാര്‍ത്ഥികള്‍ക്കിടയില്‍ ഉണ്ടായിരുന്നത്. പുറമേയുള്ള കോണ്‍ഗ്രസ്സ് കക്ഷിയുടെ വിദ്യാര്‍ത്ഥി സംഘടനയായ കെ. എസ്.യുവും മാര്‍ക്‌സിസ്റ്റു പാര്‍ട്ടിക്കാരുടെ എസ്. എഫ്. ഐയും. ഇവരെല്ലാം ഇപ്പോഴും സജീവമായിട്ടുണ്ടെങ്കിലും സ്കൂള്‍ കുട്ടികള്‍ക്കിടയില്‍ പ്രവര്‍ത്തിക്കുന്നുണ്ടോയെന്ന് അറിഞ്ഞു കൂടാ. എസ്. എഫ്. ഐ ക്കാര്‍ക്ക് വെളുത്ത കൊടിയും കെ.എസ്.യുക്കാര്‍ക്ക് കടും നീല കൊടിയുമായിരുന്നു. ഇവ അതേ വര്‍ണങ്ങളില്‍ വരാന്‍ കാരണമെന്തെന്ന് ഇപ്പോഴും അറിഞ്ഞു കൂടാ, തീര്‍ച്ചായും മുഖ്യധാരാരാഷ്ട്രീയക്കാര്‍ക്ക് അറിയുമായിരിക്കും. തിരഞ്ഞെടുപ്പിനു തൊട്ടു മുന്‍പുള്ള ആഴ്ചയില്‍ ഇരുകക്ഷികളും കൊടികയറ്റല്‍ മത്സരം ആരംഭിക്കുന്നു എന്നു സാമാന്യമായി പറയാം. ആദ്യം ചെറിയ മുളന്തൂണുകളിലോ മറ്റോ ആയിരിക്കും കൊടി നാട്ടുന്നത്.

ആദ്യം ഉയര്‍ത്തിയ കക്ഷിയേക്കാള്‍ കുറച്ചു കൂടി ഉയരമുള്ള മരത്തിലോ തൂണിലോ അടുത്ത കക്ഷി തങ്ങളുടെ കൊടി നാട്ടുന്നതോടു കൂടി മത്സരം ആരംഭിക്കുന്നു. ക്ഷേത്രങ്ങളില്‍ ഉത്സവം തുടങ്ങുന്നതിനു നാന്ദിയായി കൊടിയേറ്റം ഉണ്ടല്ലോ. അതുപോലെത്തന്നെ ഇതും. പക്ഷേ, അവിടത്തേതില്‍ നിന്നൊക്കെ വ്യത്യസ്ഥമായി കൊടുംവാശിയുള്ള മത്സരമാണ്. ഒന്നു രണ്ടു ദിവസങ്ങള്‍ക്കു ശേഷം ആദ്യത്തെ കക്ഷി കുറേക്കൂടി ഉയരമുള്ള കൊടിയുയര്‍ത്തുന്നു. നമ്മുടെ ചെറിയ കണ്ണുകള്‍ കൊണ്ട് നോക്കിയാല്‍ എത്തിപ്പെടാന്‍ പ്രയാസമുള്ള ഉയരത്തിലായിരിക്കും അതിന്റെ സ്ഥാനം. വലിയ കമുക് മുറിച്ചെടുത്ത്, ചിലപ്പോള്‍ മറ്റൊന്നിനോടു കൂട്ടിക്കെട്ടിയിട്ടാണ് ഈ കൊടിമരത്തിന്റെ നിര്‍മ്മാണം. ഏതായാലും കുട്ടികളില്‍ പലരും ഈ ആഘോഷത്തില്‍ മതി മറക്കുന്നു. ആരെന്തൊക്കെപ്പറഞ്ഞാലും ഏറ്റവും ഉയരമുള്ള കൊടിമരം നാട്ടിയ കക്ഷിക്ക് അതിന്റെ പേരില്‍ വോട്ടു ചെയ്യണമെന്നായിരിക്കും അവരുടെ തീരുമാനം. മിക്കവാറും കെ. എസ്.യുക്കാരാണ് ഈ മത്സരങ്ങളില്‍ വിജയിക്കാറുള്ളത്. അവര്‍ക്ക് പട്ടിക്കാടുള്ള ഐ.എന്‍.ടി.യു.സി എന്ന തൊഴിലാളി സംഘടനക്കാരുടെ സഹായമുണ്ടായിരുന്നു. വളരെ കായികശേഷിയുള്ള ഈ തൊഴിലാളികളോടു മത്സരിച്ചു വിജയിക്കുക എസ്. എഫ്. ഐക്കാര്‍ക്ക് മിക്കവാറും കഴിയാതെ വന്നു.
ഒരു വര്‍ഷം പക്ഷേ, പുറത്തു നിന്നുള്ള ചില മല്ലന്മാരുടെ സഹായത്തോടെ എസ്. എഫുകാര്‍ അത്യുന്നതമായ ഒരു കൊടിമരം സ്ഥാപിച്ചു. മൂന്നു നാലു ദിവസത്തേക്ക് കെ.എസ്.യുക്കാരാരേയും ആ പരിസരത്തൊന്നും കാണുകയുണ്ടായില്ല. ഇത്തവണ അവര്‍ മുട്ടുമടക്കി എന്നു തന്നെ ഞങ്ങള്‍ കുട്ടികള്‍ വിചാരിച്ചു. (ഞാന്‍ അന്ന് എസ്.എഫ്.ഐയിലാണ്. മൂന്നു വര്‍ഷം ക്ലാസ്സിലെ പ്രതിനിധിയുമായിരുന്നു).
പക്ഷേ, ഇലക്ഷന്റെ തൊട്ടു തലേന്ന് സ്കൂള്‍ കഴിഞ്ഞു മടകൂന്ന വഴി `ഏലസാ, ഏലസാ’ എന്ന പാട്ടുമായി വലിയൊരു സംഘം തൊഴിലാളികള്‍ എത്രയോ അടി നീളമുള്ള വലിയ കമുകുകളുമായി സ്കൂള്‍ പരിസരത്തേക്കു നീങ്ങുന്ന കാഴ്ചയാണ് ഞങ്ങള്‍ കണ്ടത്. അന്നു രാത്രി വിശ്രമമില്ലാതെ പണിയെടുത്ത് അവര്‍ ആ മരങ്ങളെ ആകാശത്തേക്കുപ്രതിഷ്ഠിച്ചു. ഉയരക്കൂടുതല്‍ കൊണ്ട് നീലക്കൊടി കാണാന്‍ പ്രയാസമായിരുന്നു. എന്നാലും അത് കൂടുതല്‍ ഉയരത്തിലുണ്ട് എന്ന വിശ്വാസം കെ.എസ്.യുക്കാരിലുണ്ടാക്കിയ ആഹ്ലാദം കണ്ടറിയേണ്ടതു തന്നെയായിരുന്നു.
ഏതായാലും ഉയരങ്ങളെ ഇഷ്ടപ്പെട്ടിരുന്ന കുട്ടികള്‍ അത്തവണയും കെ.എസ്.യുക്കാരെ വോട്ടു ചെയ്തു വിജയിപ്പിക്കുകയുണ്ടായി.
ജൂണ്‍ ജൂലൈ മാസങ്ങളില്‍ നടക്കുന്ന ഈ കൊടിയേറ്റം പക്ഷേ, പരിസരവാസികളെ തെല്ലൊന്നുമല്ല ഭയപ്പെടുത്തിയിരുന്നത്. കാലവര്‍ഷത്തോടൊപ്പം ആഞ്ഞു വീശുന്ന കാറ്റില്‍ ദുര്‍ബ്ബലചിത്തരായ കൊടിമരങ്ങള്‍ ആടിയുലഞ്ഞു കൊണ്ടിരുന്നു. രാത്രികളില്‍ അവ തങ്ങളുടെ മേല്‍ക്കൂരയ്ക്കുമേല്‍ പതിക്കുമോയെന്ന ഭീതി പലരുടേയും ഉറക്കം കെടുത്തിക്കളഞ്ഞിരിക്കണം. നീലക്കൊടിയായാലും വെളുത്ത കൊടിയായാലും മേല്‍ക്കൂര തകരുമായിരുന്നു എന്നു പറയുമ്പോള്‍ ആരെങ്കിലും അവരില്‍ അരാഷ്ട്രീയവാദം ആരോപിച്ചു കൂടെന്നില്ല.
ഏതായാലും നമ്മുടെ സ്കൂളിന്റെ അയല്‍ക്കാരെ അത്ര പെട്ടെന്നൊന്നും തോല്പിക്കാന്‍ കഴിയില്ലെന്ന് ചിലപ്പോള്‍ എനിക്കു തോന്നാറുണ്ട്. ഇലക്ഷന്‍ കഴിഞ്ഞ് കൊടികള്‍ താഴെയിറക്കുന്നതു വരെയുള്ള അരക്ഷിതമായ ദിവസങ്ങളിലൂടെ അവര്‍ എത്ര തവണ കടന്നു പോയിട്ടുണ്ട് !
എണ്‍പത്തിയേഴിലോ എട്ടിലോ ആണെന്നു തോന്നുന്നു, പുതുതായി വന്ന ഹെഡ്മിസ്ട്രസ്സ് സരസ്വതി ടീച്ചര്‍ ഈ ഉയരത്തിന് ഒരു നിയന്ത്രണം കൊണ്ടുവന്നു. അതായത്, ഒരു കൊടിയും ഇത്ര മീറ്ററിനു മുകളില്‍ പൊയ്ക്കൂടാ.
നിയന്ത്രണങ്ങള്‍ സര്‍ഗശേഷിയെ കെടുത്തുന്നു. കൂട്ടിലടച്ചതു പോലെയായി കൊടികള്‍! അവയുടെ ഉത്സാഹം നഷ്ടപ്പെട്ടു. പതാകകളുടെ ആകാശപര്യടനം അവസാനിക്കുന്നത് അങ്ങനെയാണെന്നു തോന്നുന്നു.

അഭിപ്രായങ്ങള്‍
SHIJU on 06 July 11 at 05:49 AM
varshangalkku sesham athayathu samarangal illatha neenda 10 varashangalkku sesham oru samaram avide nadathiyathu ente bach ayirunnu…..ksu thanneyayirunnu strikkinu pinnil…..annu sfi, ksukkareyokk suspention kitti

jayakumar v trivandrum on 04 July 11 at 06:35 AM
Dear santhoshkumar, I would like to comment about your article” Kodigal nela Kodigal Vella”.I took a trip down memory lane [nearly 20 years back!]when I went through your article.Eventhough we are in two directions{viz,North and south}we have the same “Kodimaram” and “Kamuku”,and their “heights” remain the same.When INTUC helped you, here we were indebted to some “Taxi drivers”.I am very much thankful to you for bringing back the nostalgic feeling of the swaying “kodimaram”to my mind.I wish the students organisation[SFI]would compre

Dr.K.K Sasidharan,NY on 04 July 11 at 06:35 AM
You really stirred my mind Santhosh!!! Excellent piece of writing!!!! So nostalgic!!! Cordially, Dr.Sasi, NY,USA