കുടുംബശ്രീ സ്ക്കൂൾ ഉദ്ഘാടനം

പാണഞ്ചേരി ഗ്രാമപഞ്ചായത്ത് രണ്ടാം ഘട്ട കുടുംബശ്രീ സ്കൂൾ പഞ്ചായത്ത് പ്രസിഡന്റ് കെ വി അനിത ഉദ്ഘാടനം ചെയ്തു. ഒല്ലൂക്കര ബ്ലോക്ക്പഞ്ചായത്ത് വൈസ് പ്രസിഡന്റ് കെ വി ചന്ദ്രൻ അദ്ധ്യക്ഷഷത വഹിച്ച ചടങ്ങിൽ ബ്ലോക്ക്പഞ്ചായത്ത് മെമ്പർ ഷീല അലക്‌ സ് മുഖ്യാഥിതിയായി.

കല്ലിടുക്ക് സംസ്ക്കാരിക കേന്ദ്രത്തിൽ നടന്ന ചടങ്ങിൽ പഞ്ചായത്ത് മെമ്പർ സാലി തങ്കച്ചൻ , ഗ്രാമ പഞ്ചായത്ത് സെക്രട്ടറി വാസുദേവൻ തുടങ്ങിയവർ പങ്കെടുത്തു.

കോൺഗ്രസ് ബൂത്ത് കമ്മിറ്റി ഗാന്ധിജി ജന്മദിന വാർഷികം ആചരിച്ചു

രാഷ്ട്രപിതാവ് മഹാത്മാഗാന്ധിയുടെ 150 ാം ജന്മദിനവാർഷികത്തിന്റെ ഭാഗമായി
പാണഞ്ചേരി മണ്ഡലം 44 ാം ബൂത്ത് കോൺഗ്രസ് കുടുംബസംഗമം ബൂത്ത് പ്രസിഡണ്ട് എൽദോ സാബ്രിക്കലിന്റെ വസതിയിൽ സംഘടിപ്പിച്ചു.

ഗാന്ധിജിയെ അറിയുക, വിശ്വാസം സംരക്ഷിക്കുക, വർഗീയതയെ തുരത്തുക എന്ന മുദ്രാവാക്യമുയർത്തിയുള്ള കുടും
സംഗമം കെപിസിസി അംഗം ലീലാമ്മ തോമസ് ഉദ്ഘാടനം ചെയ്തു. കോൺഗ്രസ് ബൂത്ത് പ്രസിഡണ്ട് എൽദോ അധ്യക്ഷതവഹിച്ചു.

64 കിലോഗ്രാം വെയിറ്റ് ലിഫ്റ്റിംഗിൽ സംസ്ഥാനതലത്തിൽ രണ്ടാം സ്ഥാനം നേടിയ എമിത് തമ്പിക്ക് കോൺഗ്രസ് ബ്ലോക്ക് പ്രസിഡണ്ട് കെ സി അഭിലാഷ് അനുമോദന ട്രോഫി നൽകി ഹാരാർപ്പണം ചെയ്തു.

കോൺഗ്രസ് മണ്ഡലം പ്രസിഡണ്ട് ഷിബു പോൾ മുഖ്യപ്രഭാഷണം നടത്തി. ഡി കെ ടി എഫ് ജില്ലാ സെക്രട്ടറി റോയി തോമസ്, മുൻ പഞ്ചായത്തംഗം ജോളി ജോർജ്, മണ്ഡലം സെക്രടറി കെപി പൗലോസ് എന്നിവർ  സംസാരിച്ചു.

എഐവൈഎഫ് പാണഞ്ചേരി മേഖലസമ്മേളനം

ഐവൈഎഫ് പാണഞ്ചേരി മേഖല സമ്മേളനം ജില്ലാ പ്രസിഡന്റ് കെ.പി സന്ദീപ് ഉദ്ഘാടനം ചെയ്തു. ടി രഘുനന്ദനൻ നഗറിൽ നടന്ന സമ്മേളനത്തിൽ ലിജോ ലോറൻസ് അധ്യക്ഷത വഹിച്ചു. സമ്മേളനത്തിൽ പാണഞ്ചേരി ഗ്രാമ പഞ്ചായത്തിലെ മുതിർന്ന കമ്യൂണിസ്റ്റുകളെ കെ.രാജൻ എം എൽ എ ആദരിച്ചു. സി പി ഐ ഒല്ലൂർ മണ്ഡലം സെക്രട്ടറി ടി ആർ രാധാകൃഷ്ണൻ , പാണഞ്ചേരി
ലോക്കൽ കമ്മിറ്റി സെക്രട്ടറി കെ എ അബൂബക്കർ ,എ ഐ വൈ എഫ് സംസ്ഥാന കമ്മിറ്റിയംഗം പ്രസാദ് പാറേരി ,മണ്ഡലം സക്രട്ടറി കനിഷ്കൻ, രമേശ് പട്ടിക്കാട്, പ്രസാദ് പുളിക്കൻ എന്നിവർ പങ്കെടുത്തു. മേഖലാ പ്രസിഡന്റായി ഷിജോ ൻ പട്ടിക്കാടും സെക്രട്ടറിയായി സനിൽ വാണിയമ്പാറയും തെരഞ്ഞെടുക്കപ്പെട്ടു

 

 

റോഡപകടം: നരഹത്യകേസ് റദ്ദാക്കാൻ ദേശീയപാതാ അതോറിറ്റി ഹൈക്കോടതിയിൽ

 

റോഡപകട മരണങ്ങളുമായി ബന്ധപ്പെട്ട നരഹത്യക്കേസ് റദ്ദുചെയ്യണമെന്നാവശ്യപ്പെട്ട് ഹൈകോടതിയിൽ ദേശീയപാതാ അതോറിറ്റിയുടെ ഹർജി. മണ്ണുത്തി – വടക്കഞ്ചേരി ദേശീയപാതയിലെ അപകട മരണങ്ങളുടെ ഉത്തരവാദിത്തം ദേശീയപാതാ അതോറിറ്റിയാണെന്നതിനാൽ അവർക്കെതിരെ നരഹത്യക്ക് കേസ്സെടുക്കണമെന്ന് ആവശ്യപ്പെട്ട് ഡി സി സി ജനറൽ സെക്രട്ടറി അഡ്വ. ഷാജി.ജെ.കോടങ്കടത്ത് മജിസ്ട്രേറ്റ് കോടതിയിൽ ഹർജി സമർപ്പിച്ചിരുന്നു. ഇതിന്റെ അടിസ്ഥാനത്തിൽ പീച്ചി പൊലീസാണ് അതോറിറ്റിക്കെതിരെ നരഹത്യ കേസ് റജിസ്ട്രർ ചെയ്തത്. അതോറിറ്റി ഉദ്യോഗസ്ഥരും നിർമ്മാണ കരാർ കമ്പനിയുമടക്കം ഒമ്പതു പേർക്കെതിരെയാണ് നരഹത്യ കേസ് .

ദേശീയപാതാ അതോറിറ്റി പ്രോജക്ട് ഡയറക്ടർ പി.കെ സുരേഷ്, ചെയർമാൻ യുദീർ സിങ് മാലിക് എന്നിവരാണ് ഹൈകോടതിയെ സമീപിച്ചത്. മറ്റൊരു കേസിൽ ദേശീയ പാതയിലെ സുരക്ഷാ മാനദണ്ഡങ്ങൾ പാലിക്കണമെന്ന് ഹൈകോടതി നിർദ്ദേശം നൽകിയിരുന്നു. ഇത് പക്ഷേ പാലിക്കുന്നതിൽ അതോറിറ്റി ഗുരുതരമായ വീഴ്ചവരുത്തി. ഹൈകോടതി നിർദ്ദേശങ്ങൾ നിലനിൽക്കുന്നതിനിടെ തന്നെ ദേശീയ പാത അപകടങ്ങളിൽ 18 ജീവനുകൾ പൊലിഞ്ഞു. ഇത്തരമൊരു പശ്ചാത്തലത്തിലാണ് അതോറിറ്റിക്കെതിരെ നരഹത്യക്ക് കേസ്സെടുക്കണമെന്നാവശ്യവുമായി അഡ്വ. ഷാജി കോടങ്കടത്ത് മജിസ്ട്രേറ്റ് കോടതിയെ സമീപിക്കുന്നത്. നരഹത്യ കേസിനെതിരെയുള്ള അതോറിറ്റിയുടെ ഹർജി പ്രകാരം ഹൈകോടതി പൊലിസിന്റെ റിപ്പോർട്ട് തേടിയിട്ടുണ്ട്.

പട്ടിക്കാട് സ്കൂളിന് അഭിമാനമായ് മികച്ച കായിക താരങ്ങൾ

പാണഞ്ചേരി ഗ്രാമപഞ്ചായത്ത് ട്ടിക്കാട് ഗവ.സ്കൂൾ വിദ്യാർത്ഥികൾക്ക് കായിക മത്സരങ്ങളിൽ അഭിമാനകരമായ നേട്ടം. സബ് ജില്ല – ജില്ലാ – സംസ്ഥാന – ദേശീലയതല കായിക മത്സരങ്ങളിലാണ് വിദ്യാർത്ഥികൾ മികച്ച പ്രകടനം കാഴ്ചവച്ചത്.

സ്പ്രിന്റ് , ജാവലിൻ ത്രോ, ബോക്സിങ്, റസ്സലിങ്ങ് തുടങ്ങയിനങ്ങളിൽ ദേശീയ അന്തർദേശീയ നിലവാരത്തിലുള്ള പ്രകടനങ്ങളിലൂടെ വിദ്യാർത്ഥികൾ സ്കൂളിന്റെ അഭിമാനതാരങ്ങളായി.

റാഞ്ചിയിൽ നടന്ന ദേശീയ കായിക മത്സരത്തിൽ സ്പ്രിന്റ് ഇനങ്ങളിൽ പങ്കെടുക്കുവാൻ ആഷിൻ ടി.എ അർഹത നേടി. സ്പ്രിന്റ് ഇനത്തിൽ സീനിയർ വിഭാഗത്തിൽ അബിൻ പ്രസാദ് സംസ്ഥാന കായിക മത്സരത്തിലേക്ക് തെരഞ്ഞെടുക്കപ്പെട്ടു. റവന്യൂ ജില്ലാതല മത്സരത്തിൽ ജാവലിൻ ത്രോയിൽ ഒന്നാം സ്ഥാനത്തിന് അർഹനായ നീതിഷ്കുമാർ സി എസ് സംസ്ഥാനതലത്തിൽ അഞ്ചാം സ്ഥാനത്തെത്തി.

സ്കൂൾ മറ്റൊരു വാർത്ത ക്ലിക്ക് ഇവിടെ….

റവന്യൂ ജില്ലയെ പ്രതിനിധികരിച്ച് ജസ്റ്റിൻ വി ജെ ,അഭിനവ് ഷാജി, അതുൽ കൃഷ്ണൻ സംസ്ഥാനതല ബോക്സിങ് ചാമ്പ്യൻഷിപ്പ് മത്സരത്തിൽ പങ്കെടുത്തു. ബോക്സിങ്ങ് അസോസിയേഷൻ സംഘടിപ്പിച്ച സ്ഥാനതല ബോക്സിങ്ങ് ചാമ്പ്യൻഷിപ്പിൽ അതുൽ കൃഷ്ണൻ കെ എസ് , അതുൽ കൃഷ്ണൻ പി ആർ എന്നിവർ വെങ്കല മെഡൽ ജേതാക്കളായി. സംസ്ഥാന ഗുസ്തി മത്സരത്തിൽ പ്രണവ് കെ ഡി വെങ്കല മെഡൽ നേടി. ടെന്നി കോയ്ററ്റ് ചാമ്പ്യൻഷിപ്പിൽ ആന്റണി അലനും ജപകുമാറും മൂന്നാം സ്ഥാനത്തിന് അർഹരായി.

Also read….. സ്കൂൾ വാർത്ത

കായിക മത്സരങ്ങളിൽ മികച്ച പ്രകടനം കാഴ്ചവച്ച് സ്കൂളിന്റെ യശ:സ്സുയർത്തിയ കായികതാരങ്ങളെ പി ടി എ അനുമോദിച്ചു. പ്രിൻസിപ്പൽ ഇൻചാർജ്ജ് ഷീജി, സ്റ്റാഫ് സെക്രട്ടറി ഓമന ടീച്ചർ, ഹെഡ്മിസ്ട്രസ് ജോസഫിന ടീച്ചർ, പി ടി എ പ്രസിഡന്റ് പി വി സുദേവൻ തുടങ്ങിയവർ ചടങ്ങിൽ പങ്കെടുത്തു. വിദ്യാർത്ഥികളെ കായിക താരങ്ങളായ വാർത്തെടുക്കുന്നതിൽ ഏറെ ശ്രദ്ധ നൽകിയ കായിക അദ്ധ്യാപിക പി എൻ സുമിയെയും ഹെഡ്മിസ്ട്രസിനെയും പി ടി എ പ്രസിഡന്റ് പ്രത്യേകം അഭിനന്ദിച്ചു.

പാണഞ്ചേരി മണ്ഡലം ഐഎൻടിയുസിക്ക് പുതിയ നേതൃത്വം

എൻടിയുസി ഓട്ടോ തൊഴിലാളി പാണഞ്ചേരി മണ്ഡലം സമ്മേളനം പട്ടിക്കാട് രാജീ വ് ഭവനിൽ സംഘടിപ്പിച്ചു.  സമ്മേളനം യൂണിയന്റ പുതിയ മണ്ഡലം  കമ്മിറ്റിയെ തെരഞ്ഞെടുത്തു.
ഭാരവാഹികൾ: ജോൺസൺ വള്ളികട്ടിലിൽ ( മണ്ഡലം പ്രസിഡണ്ട്),  ജോഷുവ പള്ളിക്കുന്ന് ( ജനറൽ സെക്രട്ടറി) , സുനിൽ ചെമ്പൂത്തത്ര (ട്രഷറർ).
മണ്ഡലം സമ്മേളനം ബ്ലോക്ക് കോൺഗ്രസ് പ്രസിഡണ്ട് കെ സി അഭിലാഷ് ഉദ്ഘാടനം ചെയ്തു. ഐഎൻടിയുസി പാണഞ്ചേരി മണ്ഡലം പ്രസിഡണ്ട് ബാബു തോമസ് അധ്യക്ഷത വഹിച്ചു. കോൺഗ്രസ് പാണഞ്ചേരി മണ്ഡലം പ്രസിഡണ്ട് ഷിബു പോൾ മുഖ്യപ്രഭാഷണം നടത്തി.
ഐഎൻടിയുസി നേതാവ് ജിനേഷ്  ചെമ്പുത്ര, യൂത്ത് കോൺഗ്രസ്   നിയോജകമണ്ഡലം സെക്രട്ടറി സൂരജ് രഘുനാഥ്, പഞ്ചായത്ത് മെമ്പർമാരായ ടിഎ ജയ, ഔസേപ്പ് പതിലെട്ട്, ഇ എം മനോജ്, സാലി തങ്കച്ചൻ തുടങ്ങിയവർ സംസാരിച്ചു.
പാണഞ്ചേരി മണ്ഡലം ഐഎൻടിയുസിക്ക് പുതിയ നേതൃത്വം

എൻടിയുസി ഓട്ടോ തൊഴിലാളി പാണഞ്ചേരി മണ്ഡലം സമ്മേളനം പട്ടിക്കാട് രാജീ വ് ഭവനിൽ സംഘടിപ്പിച്ചു.  സമ്മേളനം യൂണിയന്റ പുതിയ മണ്ഡലം  കമ്മിറ്റിയെ തെരഞ്ഞെടുത്തു.
ഭാരവാഹികൾ: ജോൺസൺ വള്ളികട്ടിലിൽ ( മണ്ഡലം പ്രസിഡണ്ട്),  ജോഷുവ പള്ളിക്കുന്ന് ( ജനറൽ സെക്രട്ടറി) , സുനിൽ ചെമ്പൂത്തത്ര (ട്രഷറർ).
മണ്ഡലം സമ്മേളനം ബ്ലോക്ക് കോൺഗ്രസ് പ്രസിഡണ്ട് കെ സി അഭിലാഷ് ഉദ്ഘാടനം ചെയ്തു. ഐഎൻടിയുസി പാണഞ്ചേരി മണ്ഡലം പ്രസിഡണ്ട് ബാബു തോമസ് അധ്യക്ഷത വഹിച്ചു. കോൺഗ്രസ് പാണഞ്ചേരി മണ്ഡലം പ്രസിഡണ്ട് ഷിബു പോൾ മുഖ്യപ്രഭാഷണം നടത്തി.
ഐഎൻടിയുസി നേതാവ് ജിനേഷ്  ചെമ്പുത്ര, യൂത്ത് കോൺഗ്രസ്   നിയോജകമണ്ഡലം സെക്രട്ടറി സൂരജ് രഘുനാഥ്, പഞ്ചായത്ത് മെമ്പർമാരായ ടിഎ ജയ, ഔസേപ്പ് പതിലെട്ട്, ഇ എം മനോജ്, സാലി തങ്കച്ചൻ തുടങ്ങിയവർ സംസാരിച്ചു..
കുടിവെള്ളം, അനധികൃതഖനനം: നടപടി ഉടനെന്ന് പഞ്ചായത്ത് സെക്രട്ടറിയുടെ ഉറപ്പ്


ഗ്രാമ പഞ്ചായത്തിൽ മുടങ്ങികിടക്കുന്ന കുടിവെള്ള വിതരണം ഉടൻ പുനഃസ്ഥാപിക്കുക, അനധികൃത മണ്ണ് ഖനനത്തിനെതിരെ നടപടി സ്വീകരിക്കുക എന്നീ ആവശ്യങ്ങൾ ഉന്നയിച്ച് കോൺഗ്രസ് പാർലമെന്റി പാർട്ടി ഗ്രാമ പഞ്ചായത്ത് സെക്രട്ടറിക്ക് നിവേദനം നൽകി.

കാലവർഷത്തിൽ  പിച്ചി ഡാമിലെ ഷട്ടറുകൾ  തുറന്ന് വലിയ തോതിൽ വെള്ളമൊഴുക്കിയതിനെ തുടർന്ന് മയിലാട്ടുംപാറ ജലനിധി പദ്ധതിയുടെ പൈപ്പ് ലൈനുകൾ ഒലിച്ചുപോയിരുന്നു. 100 ദിവസം പിന്നിട്ടിട്ടും കുടിവെള്ള വിതരണം ഇനിയും പക്ഷേ പുനഃസ്ഥാപിക്കപ്പെട്ടിട്ടില്ല. അധികൃതരുടെ ഈ അനാസ്ഥ മൂലം
2500 കുടുംബങ്ങൾ കുടിവെള്ളമില്ലാതെ നട്ടംതിരിയുകയാണ്‌.
ഗ്രാമ പഞ്ചായത്തിലെ ദുരന്തബാധിത മേഖലകളായ ദേശീയപാത വില്ലൻ വളവിലും ചുവന്നമണ്ണിലും വീണ്ടശ്ശേരിയിലും വൻതോതിൽ അനധികൃത മണ്ണ് ഖനനം തുടരുകയാണ്. ഇക്കാര്യങ്ങളിൽ സത്വര നടപടികൾ ആവശ്യപ്പെട്ടാണ് കോൺഗ്രസ് പാർലിമെൻററി പാർട്ടി പഞ്ചായത്ത് സെക്രട്ടറിക്ക് നിവേദനം നൽകിയത്.

പൈപ്പുകൾ പുനഃസ്ഥാപിക്കുന്നതിനായി ടെൻറർ ഉടൻ വിളിക്കാമെന്നും അനധികൃത മണ്ണ് ഖനനത്തെക്കുറിച്ച് അന്വേഷിക്കാമെന്നും ഗ്രാമ പഞ്ചായത്ത് സെക്രട്ടറിയും എഞ്ചിനിയറും ഉറപ്പുനൽകിയതായി നിവേദക സംഘം അറിയിച്ചു.

പാണഞ്ചേരി ബ്ലോക്ക് കോൺഗ്രസ് കമ്മറ്റി പ്രസിഡന്റ് കെ.സി അഭിലാഷ്, കോൺഗ്രസ് മണ്ഡലം പ്രസിഡന്റ് ഷിബു പോൾ, പഞ്ചായത്ത് അംഗങ്ങളായ ബാബു തോമസ്, കെ.പി എൽദോസ്, ഓസേഫ് പതിലെട്ട്, മനോജ് ഇ എം, ജയ ടി.എ, ജിഷ വാസു, സാലി തങ്കച്ചൻ, അച്ചാമ ജോയ് തുടങ്ങിയവരടങ്ങുന്ന സംഘമാണ് സെക്രട്ടറിക്ക് നിവേദനം നൽകിയത്.

പട്ടിക്കാട് ഹയർ സെക്കന്ററി സ്കൂളിൽ ക്വിസ് മത്സരം ഡിസം. 4 ന്

പാണഞ്ചേരി ഗ്രാമപഞ്ചായത്ത് പട്ടിക്കാട് ഗവ.ഹയർ സെക്കന്ററി സ്കൂളിൽ ഹയർ സെക്കന്ററി വിദ്യാർത്ഥികൾക്കായി  ക്വിസ് മത്സരം. “വൈഭവ്” എന്ന പേരിൽ ഡിസംബർ നാലിന് രാവിലെ 10 നാണ് മത്സരം.

രണ്ടു വിദ്യാർത്ഥികളടങ്ങുന്നതാണ് ഒരു ടീം. താല്പര്യമുള്ള വിദ്യാർത്ഥികൾ പ്രിൻസിപ്പലിനെ 9446066917 എന്ന നമ്പറിൽ വിളിച്ച് റജിസ്ട്രർ ചെയ്യേണ്ടതാണെന്ന് പ്രിൻസിപ്പൾ അറിയിച്ചു.

പട്ടിക്കാട് സ്കൂൾ യശഃസ്സുയർത്തി ശോഭിക


പാണഞ്ചേരി ഗ്രാമപഞ്ചായത്ത്  പട്ടിക്കാട്  ഗവ.ഹൈസ്കൂൾ പത്താം ക്ലാസ് വിദ്യാർത്ഥി ശോഭിക എൻ.എസ് തൃശൂർ ജില്ലാ ഗണിതശാസ്ത്ര മേളയിൽ ഒന്നാം സ്ഥാനവും സംസ്ഥാന ഗണിത ശാസ്ത്രമേളയിൽ എ ഗ്രേഡും കരസ്ഥമാക്കി. തെക്കുംപാടം അജിത – സുരേഷ് ദമ്പതിമാരുടെ മകളാണ്.

മുൻ വർഷങ്ങളിലും ശോഭിക ജില്ലാതലത്തിൽ സമ്മാനാർഹയായിട്ടുണ്ട്. സ്കൂളിന്റെ യശ: സ് ഉയർത്തിയ ശോഭികയെ പിടിഎ അഭിനന്ദിച്ചു. പ്രത്യേക അനുമോദന ചടങ്ങിൽ വച്ച് ശോഭികക്ക്  ഉപഹാരം നൽകുമെന്ന് പി ടി എ പ്രസിഡന്റ് പി.വി സുദേവൻ പാണഞ്ചേരി നൂസിനോട് പറഞ്ഞു. ഈ വർഷത്തെ എസ് എസ് എൽ സി പരീക്ഷയിൽ എല്ലാ വിഷയങ്ങളിലും ശോഭിക എ  പ്ലസ് നേടുമെന്ന പ്രതീക്ഷയിലാണ് അദ്ധ്യാപകരും പി ടി എയുമെന്ന് സുദേവൻ കുട്ടിചേർത്തു. സ്റ്റുഡൻസ് പൊലിസ് കേഡറ്റാാണ് ശോഭിക.